سؤال بخصوص بوبينة لنوبيرا
 

عندى البوبينة فى النوبيرا مغيرها من فترة من التوكيل اصلية من حوالى خمس شهور دلوقتى فى رعشة فى العربية زى ما يكون فى حاجة بتفصل وتشتغل تانى المهم الميكانيكى كشف على الموبينه لقى فتحة من الاربعة بتعمل شرارة ضعيفة غير الباقيين فقاللى ان الموبينة بايظة فى واحدة ضعيفة ..هل دى تأثر على الموتور وتعمل رعشة فى السيارة مع انى كشفت على كل حاجة قواعد وديسك وكله بس احساسى ان المشكلة حاجة فى الكهرباء فبماذا تنصحونى ولو العيب بوبينة اى نوع تنصحونى بيه لني اشتريتها أصلية وكده باظت بسرعة ؟

رد: سؤال بخصوص بوبينة لنوبيرا
 

تشترى الاصلية برضه بس تكشف و تتأكد من سبب تلف الموبينة
وارد ان حظها كدا
و وارد ان فيه سبب
اشهر الاسباب
مياه الغسيل
تلف و تقادم سلوك البوجيهات او ردائتها
تقادم البوجيهات
عدم جودة تثبيت سلك الارضى للماتور بشاسيه العربية

رد: سؤال بخصوص بوبينة لنوبيرا
 

مشكور يا غالي
طيب لو فى تسريب زيت على البوجيهات ممكن يكون سبب فى تلف البوبينة لأنه كان فى تسريب كبير جدا على البوجيه وتم الاصلاح وتغير جوان وش تاكيهات

رد: سؤال بخصوص بوبينة لنوبيرا
 

لا جوان وش التاكيهات عمرة ما بينزل زيت على شمعة الاحتراق
بس لو ينفع تبقى تغير سلك البوجيهات لانة قريب اوى من جسم المحرك وبيسخن ويتلسع وبالتالى ممكن يعمل تسريب نسبى فى شرارة البوجيهات على جسم المحرك من الخارج ودة ممكن يبوظ البوبينة

رد: سؤال بخصوص بوبينة لنوبيرا
 

ولو تعرف تعزل سلك البوجية عن جسم المحرك بمكرونة حرارى يبقى كويس اوى اوى ودى تمنها زهيد جدا بس مفيدة اوى