مصر موتورز مجتمع السيارات - كيف تحافظ على سيارتك من السرقه بدون أجهزة

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - كيف تحافظ على سيارتك من السرقه بدون أجهزة (https://www.masrmotors.com/vb/showthread.php?t=118327)

كيف تحافظ على سيارتك من السرقه بدون أجهزة

السلام عليكم
الحاجه أم الإختراع, و أبوه و عيلته كلها
لما تركن عربيتك فى مكان متعرفوش و مش مطمئن للمكان ده, لو مسافر أو فى مكان مهجور أو نائى أو أو أو....و عاوز تخلى عربيتك متمشيش تعمل إيه؟
طبعاً بعد الإذكار و ربنا الحافظ ليك و ليها إيه الإجراءات إللى ممكن تعملها؟
----------------------------
ممكن طبعاً تشغل الإنذار و قفل الدركسيون و كلابش العجل و .....
ممكن زرار فصل
ممكن تشيل أسلاك البوجيهات, أو على الأقل سلك الموبينه, لفه و حطه فى كيس و خليه فى جيبك
أفصل سلك الموبينه
شيل فيوزات أساسية من علبة الفيوزات
أفصل سلك المارش
فك كابل البطارية (أى واحد)
فك أى بك من الكربراتير و خليه معاك بس أوعى يضيع
لو هتغيب فترة طويله و معاك منفاخ هوا, نيم الأربع كاوتشات
لو عندك طرمبة البنزين كهربا أفصلها

دى الحاجات إللى أعرفها, كلها تعطيل بس, و الحرامى مبيغلبش
ربنا يسلمنا من أذاهم

رد: كيف تحافظ على سيارتك من السرقه بدون أجهزة

تجيب كتاوت بايظ تفتحه و تشيل من جواه كل حاجه يفضل عندك 3 رجول و ارضى مثلا

تيجى على رجيلن على مزاجك و تلحم بينهم سلك كوبرى من جوه عشان ميبقاش باين حاجه و يتلحم كويس

تيجى على حساس الكرانك تقطع سلكه او اتنين على حسب رجول الكتاوت و الكبارى اللى هتعملها و تطلع منه بكلبسات و غطيانهم شغل كأنه مصنع تثبت الكتاوت ده فى التابلوه لخبط الاسلاك بحيث تخلى رجول الحساس ملمسه فى بعضها و رجول الكونترول اللى بيستقبل من الحساس ماسكه فى رجول فاضيه اوعى تقفلهم تدمر العربية

لو راجل بقى يعرف يدورها

لما تيجى انت تدورها تحط توزيعة الاسلاك بشكل صحيح خارج الحساس كوبرى مع الطرف اللى بيستقبله من الكونترول و هكذا

كده هتبان كأنها جزء من العربية و مش هيشك فيها الا لو قارى اليوزر مانيوال بقى ده موضوع تانى