نصيحة : اشد العربية قبل ما ابيعها ولا ابيعها كده
 

السلام عليكم جميعا

انا عندي Civic 96 فتحة سقف, جنوط اسبور 16 , فابريكة جوة والسقف. المهم بافكر ابيعها ...انا الصراحة معرفش تعملها كام دلوقتي...هيا فيها شغل سمكرة وبوية وعايزة كام حاجة في العفشة وشوية كماليات.

السؤال بقى...اشدها الاول وبعدين اعرضها للبيع ولا اعرضها علطول مع العلم ان زمايلي بيقولوا لو شدتها مش حتجيب همها اوي بس الواحد مش عايز يخسر فيها كتير


ولو حد يقدر يفيدني سعرها الطبيعي كام ولو بعدتها من غير شد تعملها كام

رد: نصيحة : اشد العربية قبل ما ابيعها ولا ابيعها كده
 

بيعها علي حالتها لان ممكن تصرف كتير وف الاخر انت ليك سعر السوق هو اللي بيحكم ده غير ان الـ 93 بياعة اكتر من الموديل ده اكتر حاجة مطلوبة في الموديل ده الـ sir وده بيبقي نادر استوك
قولي مانيوال ولا اتوماتك وكل مواصفاتها واللي فيها عاوز شغل وانا اقول سعرها كام

رد: نصيحة : اشد العربية قبل ما ابيعها ولا ابيعها كده
 

شكرا على الرد

هيا اتوماتيك فتحة سقف فواتيس لينسز , الموتور كنت جيبت واحد استيراد عادي مش SIR عشتن القديم كانت مشاكلة كتيرة.

هيا محتاجة حبة سمكرة ووش بوية . والسقف فابريكة

رد: نصيحة : اشد العربية قبل ما ابيعها ولا ابيعها كده
 

طيب الماتور حالته ايه وكابسه كام وهتحتاج تغير عافشة ولا نظامهم ايه والسمكرة عبارة عن ردود ولا هتدخل في 4 ابواب وشنطة وكابوت واكصدامات ورفارف وحاله الصالون
كل ده اذكره وانا احاول افيدك ان شاء الله
الماتور 1500 ولا ايه
وهي lxi ولا exi
وباور ولا منغير لان ال 96 فيه بباور ومن غير باور وفيه ابشن وفيه من غير اوبشن
الاختيارات كلها متاحة ليك اما تشدها وعمال ما تخلص تبيع ع الصيف عشان السوق بيريح في الشتا والاسعار بتنزل واما تضحي وتبيع دلوقتي كل الاختيارات متاحة حسب ظروفك وامكانياتك
بس اعمل حسابك في كام الف لان العربية لما بتيجي تشدها بتلاقيها فتحت بقها يعني يظهر حاجات تانية
عموما
ابعت لي رقم تليفونك علي الخاص وانا اعرفك كل حاجة فيها وانا تحت امرك في اي استفسار

بالتوفيق ان شاء الله