مصر موتورز مجتمع السيارات - نظام ال super vacume exhaster من ابتكارى

سلام عليكم انهارده موضوع جديد كنت مأجله شوية و بعدين حصل الحادث فأتخلمت فى مشكلة العربية الحمد لله و قدر الله و ما شاء فعل

انهارده هحكى معاكم فى تكنولوجى جديدة خالص من ابتكارى بصمم ليها نموذج دلوقت

عشان ابسط كلنا عارفين دور التاكيهات و عملية الاحتراق الداخلى

بيكن فى عمود او اتنين بيشيلو كامات الكامات دية بتفتح صمامات و بيكون فى ترس تزامن بيظبط دورات الكامه مع حركة الكرانك و معاها بالتبعية حركة البساتم

بتحصل عمليتين عملية فتح صمام لأدخال الخليط و حرقة و بعدها غلق الصمام و بعدين فتح صمام يخرج العادم و يجمعه فى الفرن

شوف فيديو

http://www.youtube.com/watch?v=zA_19bHxEYg

بعد الفرن بيكون فى الكتاليزر او الكتاتلك او علبة البيئة و بعد علبة البيئة الكاتم الصوت و فتحة الشكمان

شوف فيديو

http://www.youtube.com/watch?v=W6dIsC_eGBI

مع الوقت و سد علبة البيئة و الكاتم بيكون الشكمان عبئ على الموتور وبيخنقه فمش بيخرج العادم بشكل كفئ و بالتالى المكنة بتتخنق فى عملية الاحتراق و غرف الاحتراق نفسها بتتبهدل

السيتسم الجديد بيعمل ايه

السيستم الجديد عبارة عن كاتم صوت داخل انبوبه قبل السوبر فاكيم و بعدين السوبر فاكيم اللى هيا الجزء الرئيسى فى السيستم و القطة الثالثة عبارة عن كمبيوتور و سينسور بيقرو حركة الكاتينا بدون ما يدخول فى الدورة بتاعتها

شرح الاجزاء دية ايه

الكاتم اللى فى الماسورة مهمته لا تختلف شئ عن الكاتم اللى فى العلبة بس مبنى على نفس كونسبت كاتم الصورت بتاع المسدس بيخرج الرصاصه بدون ما يعيقها او يأثر عليها

السوبر فاكيم و دية غرفه فيها موتور من نوع معين و هاوسنج معالج حراريا و بعدين موجوعة ترابين الشفط

النظام ده بيشتغل ازاى

1-بمجرد ما تدور العربية موتور التريبنة هيدور على اقل سرعة ليه

2-الحساس و الكبيوتر اللى على الكاتينة هيقرو الصمام بتاع العادم بيفتح امتى يوقم مسرع حركة موتور التربينة على حسب فتح الصمام و يفضل يقلل سرعة و يعليها مع حركة الصمامات اللى بتساعد البرمجة فى ظبط تصرف النظام ده

النتيجة النهائية ايه

1- العربية اتنفست بشكل مثالى و مفيش عادم يفضل فى غرفة الاحتراق و ده يمكنها انها تطلع اعلى عزم ليها بدون ما يعلى عن الطبيعى
2- ملخبطناش عمل الموتور لأننا بنستخدم كمبيوتر فاهم كويس الصمام ده هيفتح امتى و كام ميكروثانية
3- عملنا صوت و هيصة و شكل جمالى له تأثير حقيقى على العربية

دية صورة التركيب بتاعه

http://www.masr1.com/di-Q5JU.png

دية صورة لمجموعة منه احنا هنستخدم واحد بس فى اغلب المواتير اللى موجودة فى مصر

http://www.masr1.com/di-O6FF.png

اللطيف فى الموضوع انه هيتكلف مبلغ بسيط فى تنفيذه :36_1_1[1]:

منتظر تعليقاتكم و تختارو الموضوع القادم يكون عن الوقود الخارق و طريقة تصنيعه او نظام مسح المطبات و النقر بالليزر