مصر موتورز مجتمع السيارات - مفاجأة .... تيل فرامل جين2 وبيرسونا ملهوش حل

أحبائى فى الله

السلام عليكم ورحمة الله وبركاته

النهاردة روحت ادور على تيل فرامل لعربيتى البيرسونا ولفيت على طوب الارض كالعادة لحد ما وقعت على المفاجأة اللى مكنتش بحلم بربعها حتى
لقيت تيل فرامل صناعة كورى والمفاجأة ان سعره رخيص اوى
تيل أمامى = 125 جنية
تيل خلفى = 120 جنية
بصراحة شكيت فيه بس التاجر حلفلى انه ولا بيصفر ولا حاجة وخامته حلوة مش بياكل فى الطنابير زى تيل التوكيل اللى كنت مركبه وكل ما افكر حتى انى ادوس فرامل يصفر
المهم قولت اشتريه واجربه خصوصا ان سعره رخيص ... واشتريت الامامى والخلفى بسعر 245 يعنى ارخص من تيل واحد امامى فى التوكيل
روحت ركبت التيل وجربت .... اول مرة احس انى راكب عربية ملاكى مش عربية نقل .... مفيش صفارة نهائى الحمد لله ... كانت بسيطة اوى فى الاول بس لما اشتغل التيل شوية وطبع على الطنابير ملقتلهوش صوت خاااااااااالص الحمد لله :joy23:

نيجى باة للصور والمفيد

http://www.masrmotors.com/vb/data:im...U0kdqYzH0oGf/Z
http://www.masrmotors.com/vb/data:im...vmmE5HWgZ//9k=http://www.masrmotors.com/vb/data:im...OBULN70wP/2Q==

الراجل اللى عنده التيل ده اخدت منه رقم تليفونه لو حبيتوا تتصلوا بيه وتظبطوا معاه 01111355391

ارجو انى اكون افدت الجميع ومطولتش عليكم