مصر موتورز مجتمع السيارات - صدأ وبداية بارومة تحت الفرش

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - صدأ وبداية بارومة تحت الفرش (https://www.masrmotors.com/vb/showthread.php?t=118019)

صدأ وبداية بارومة تحت الفرش

الحمد لله ربنا وفقنى واشتريت سيارة دايو لانوس 99 حالنها جيدة جدا وكنت عند الكهربائى بعمل شوية شغل فى الكهرباء والتكييف شال الفرش علشان يشتغل نبهنى ان السيارة بها صدا وبداية بارومة تحت فرش السيارة من جهة السائق ونصحنى بانى اذهب للسمكرى يصنفر الصدا ويوضب الجزء دة وبعد كدة اروح لبوهيجى واحط بلك علشان يعمل طبقة عازلة
انا مش عارف الكلام دة صح ولا هيبقى كدة شغل دواخل وخصوصا انى سمعت ان البلك معناه بالنسبة للسوق ان العربية مغيرة وبتدارى لحامات ؟؟؟؟
ايه افضل حل اعمله ولا يكون بالنسبة لتجار السوق شغل فى دواخل السيارة
شكرا

رد: صدأ وبداية بارومة تحت الفرش

السلام عليكم
سنفر كويس بالصاروخ مش يدوي ورش بلاك تحت الفرش فقط من الداخل مش هيبان وهيحمي العربيه من البارومه
والله المستعان

رد: صدأ وبداية بارومة تحت الفرش

اقتباس:

المشاركة الأصلية كتبت بواسطة eng/walaaeldeen (المشاركة 913727)

تمام الكلام بس كان حد قالى ارش بنفس لون السيارة ومش هتبان بدل البلك ايه راى حضرتك البلك افضل ولا لون السيارة وهل الاتنين يعيبوا السيارة فى الدواخل ووقت ما اريد ان ابيعها؟؟؟؟؟؟؟؟؟؟؟؟

رد: صدأ وبداية بارومة تحت الفرش

انا كان عندي نفس المشكلة
و لكن
البارومة كانت جامدة و كبيرة لدرجة ان الصاج فيه تآكل جامد
إستنيت لحد ما جيت شيلت و فكيت العربية كلها عالصاج و عمل تغيير للصاج المتآكل و حط صاج جديد و جلخ كويس مكان اللحامات
و رشت بلاك أو بتومين عازل إسود عشان يعمل طبقة عازلة كويس من تحت العربية و من فوق داخل الصالون و خليت البوهيجي (يعفر) عن طريق رش البوية بطريقة سريعة في الدواسة من الداخل
و ركبت الفرش و قفلت كل حاجة تمام
أهم شيء لو في بارومة تحت الاربع كارتيرات بتوع العجلات ضروري تعملها و تصلحها عشان و انت بتغسل العربية مايدخلش مياة جوة الصالون و عشان الصاج مايتآكلش أكتر
و طبقة العازل البلاك مهمة عشان تحافظ علي الصاج أطول فترة ممكنة تحت كل كارتيرة
و مش شرط ترش بوية تحت كل كارتيرة
خليها إسود بلاك افضل
طبقة العازل اقوي و افضل من البوية فقط