|
العربية جابت وش سلندر ... أفيدوني في السعر
العربية 132 سعة1600سي سي لأني جديد في الليلة كلها على بعض استغبيت معاها فاستغبت معايا ماشي ولاقيت الحرارة عليت فجأة ببص على الماية ملاقيش ماية وفعز الحرارة دية رحت حاطط ماية في الريداتير وعينك ما تشوف إلا النور المهم المايكانيكي قالي وش سلندر أفيدوني يعمل كم وياترى أروح الوكالة ولا عزبة شلبي ذي ما الميكانيكي بيقول، وعلى فكرة مرة يقولي 1300جنيه ومرة يقول لصحبي اللي بيروح معايا عند الميكانيكي خليه يعمل حسابه في 2000جنيه انا احترت انزل واعمل حسابي على كم؟ |
رد: العربية جابت وش سلندر ... أفيدوني في السعر
اولا قدر الله وما شاء فعل
خاليك في القريب لبيتك وللمكانيكي وعلى فكرة انا ساكن جنب شلبي واسعارها كويسة زي الوكالة وارخص لكن في بعض موديلات القديمة زي البيجو 304 مش موجودة |
رد: العربية جابت وش سلندر ... أفيدوني في السعر
الميكانيكى ده شكله مش كويس شوف حد تانى يكشف ويقولك اذا كنت هتغير وش ولا ممكن خراط يظبطة وعزبة شلبى او الحرفيين متفرقش بس اعتقد الاسعار ديه اوفر والراجل شكله عايز يعمل عليك شغل
|
رد: العربية جابت وش سلندر ... أفيدوني في السعر
السلام عليكم اسأل الأول في عزبة شلبي لوحدك ثم فك الوش ووديه لمخرطه يكشف عليه ممكن يكون الوش القديم عايز تظبيط ويشتغل تاني والله المستعان |
رد: العربية جابت وش سلندر ... أفيدوني في السعر
أخي الفاضل نصيحة هااااااامة لابد من التأني الشديد و دراسة الموضوع واحدة واحدة عشان تقدر توصل لنتائج كويسة و تقدر تحط فلوسك في المكان المناسب عشان الوضوع ما يوسعش معاك و تبقي مخنوق و مش طايق نفسك من قرف الصنايعية و البياعين و التجار هنقول بسم الله الرحمن الرحيم تسأل الأول علي خرااااااااااط يكون فني و متخصص و بيفهم و غن شاء الله هتلاقي لكن عليك بالبحث و الصبر الشديد تروح للخراط و تديله وش السلندر يكشف عليه و هو إللي هيقدر يقولك إيه المطلوب سواء الوش ينفع يشتغل أو ما ينفعش يشتغل تاني شوف الفيديو دة و إنت هتفهم و هتعرف إن بإذن الله هينفع ***** كشط وش السلندر بماكينة الخراطة ***** http://www.youtube.com/watch?v=d85ob...ature=youtu.be ***** إعادة بناء وش السلندر معدوم العافية ***** http://www.youtube.com/watch?v=JBkgJ...ature=youtu.be و لو الموضوع دخل معاك في عمرة موتور مثلا لك شوية فيديوهات عن البساتم و الشنابر أتمني ان تتحلي بالصبر و تقدر تشوفها كلها لأخرها فيديو جامد توضيحي إزاي تتنظف و تركب الشنبر في البستم ملحوظة هامة : لو هانشغل البساتم القديمة لانها سليمة ومش مكسرة ولا مجرحة وكان فيها بوش فى مجارى الشنابر وبالاخص شنبر الزيت !!!!!!ساعتها لازم نجيب فرش لشنبر الزيت ودة بيكون عبارة عن سلك زنبركى او سلك واخد شكل تمنيات وسبعات معرج السطح يعنى ووظيفتة انة بيخلى شنبر الزيت مضغوط لبرة شوية وبيملى البوش الموجود مكان شنبر الزيت http://www.youtube.com/watch?v=YModEIsbb5w الشنبر ملحوظة : الخلوص بتاع الشنبر لا يجب ان يتعدى 0.5 ملم فى اى جزى من اجزاء الشميز من اول الشميز لاخرة ازاي تقيس الشنبر https://www.youtube.com/watch?NR=1&v...ture=endscreen الرودية و كيفية عملها https://www.youtube.com/watch?v=3Bdy...iz9ESa7SdI58nt آآآآآآآآآآآآآآآآسف للإطالة و أتمني أن تستفيد من المشاركة و أن تنال إعجابك و أتمني لك التوفيق من كل قلبي |
| الساعة الآن 08:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017