مصر موتورز مجتمع السيارات - عايز اشترى بجاج 200 ns

بص انا لسة متعلم سواقة الموتوسيكلات من شهر وعمري ماسقت عجل قبل كدة ... اتعلمت على موتوسيكلين الإثنين صيني ... انا بصراحة مش بحب قعدة الريس ولا صوته في الشارع في وسط الإشارات عالى بزيادة , كذلك الهارلي اللي بيصم الودن وتسمعه من اول الشارع ... زائد اني مكنتش مقتنع إني اوصل بفلوسي لـ 20 ألف جنيه و اكتر في موتوسيكل وادفع الأثمان دي في موتوسيكلات... كنت حاطط اخري على 15 الف كدة ...

قريب عن الصيني عاما ولقيت ان الناس بتشتكي بشكل عام من اي حاجة صيني سواء عربيات او موتوسيكلات او كدة
قريت فترة طويلة عن البجاج الهندي البالسر 200 على المنتديات ولقيت الكل بيشكر فيه, زائد انه واخد شكل الريس شوية عشان تانك البنزين كبير ولكن القعدة عليه زي الموتوسيكل العادي ودة اللي عايزه ...

أنا حاليا مجبتش بيه لسة الـ 100 بالنسبة للسرعة ... بس بما انه 200 سي سي هيجيب الـ 120 كويس طبعا لأن الصيني اصلا الـ 150 سي سي بيجيبها , وشفت ناس على اليوتويب وهما قارصين على الماتور بتاع البلسر 200 جايبين 150+ ...

برضه قطع غياره هتلاقيها متوفرة عند غبور اوتو و موزعينه ودي حاجة مهما خاصا لواحد لسة باديء مثلي في موضوع الموتوسيكلات ...

الموتوسيكل بس وزنه مش خفيف , هو تقيل! ... ودي حاجة مش معضلة خالص, انت اول لما بتمشي بالموتوسيكل زي منت عارف وزنه بيخف مع البنزين و مش هتحس بيه لما تسيب الدبرياج عادي ...

بشكل عام انا عاجبني الموتوسيكل جدا شكله نضيف وشيك , بس طبعا عندنا في مصر لو مش معاك ريس هوندا , سوزوكي او ياماها او موتوسيكل هارلي هيفتكروا اي حاجة تانية صيني ... ودي ثقافة شعب ... وانا زي مقلت لك فكري إني في بدايتي اجيب حاجة قعدتها مريحة , قطع غيار متوفرة , محدش بيشتكي منها و بتستحمل (وطبعا بجاج اكيد حاجاتهم بتستحمل لأن كل اللي بيوصلوا طلبات في مصر و التكاتك كلها من بجاج اللي هما لا مؤاخذة بيتفشخوا سواقة من العيال اللي بتسوقهم في مصر ومع ذلك بيعيش, و البالسار 200 مش منتشر في مصر فهيكون مختلف معاك ....

اتمنى اني اكون افدتك ... ودي صور اقرب للواقع بس مش من تصويري :
http://www.xbhp.com/talkies/attachme...s-img_5663.jpg
http://www.google.com.eg/url?sa=i&so...80839600975408
http://img.tapatalk.com/765f4722-865c-bfcd.jpg