اعرف ازاي شكمان اللانوس الاصلي؟؟؟ شكلي اتقرطست
 

اول امبارح كنت ماشي في طريق زي الزفت و في عز الظهر و مع الظل الهم خبطت في بلاعة من تحت الخبطة حسيتها في نص العربية او النص الاماي من تحت

بعدها حسيت ان صوت العربية اتغير و خصوصا لما ازود بنزين (دف دف دف) انا خمنت انه الشكمان و وريتها لميكانيكي جنبي قالي انه الشكمان برضه

روحت لواحد بتاع شكمان لسه ما عملش حاجة ولا رفع العربية و راح قاللي ده العلبة و مافيش هوا طالع من العلبة فعلا لما حطيت ايدي يدوب حسيت بالعادم مع ان المفروض ان العادم يزيح ايدك .. انا قلتله ما هو مفيش هو عشان خاطر الهوا مسرب من جزء تاني في المسورة عايز يتلحم قالي لا ده العلبة حسيت انه بيشتغلني سبته وروحت لواحد تاني و قاللي برضه انها العلبة و قلتله ماشي غيرها

غيرهاللي بواحدة تانية نفس القالب و الشكل بتاع الاولانية و منحوت عليها علامة الدايو و خد 200 جنيه بالتركيب الصوت قل بس ما راحش

اتاري فيه لحام قديم اتكسر او فك في المنطقة اللي انا سمعت فيها الخبطة ههههه و لحمها و الصوت راح

انا لما شوفت العلبة القديمة اللي كانت طالعة فعلا كانت عدمانة و البرومة وكلاها فيها خرم بيخر صدا و حوالين المسورة اللي داخلة العلبة كله متاكل فمش مشكلة انه غيرها حتى لو كانت تمشي شوية بس المهم ان اللي حطها ده تكون كويسة هو قاللي انها بتتصنع في مصر في اسكندرية و انها مخصوص للدايو و انضف حاجة و بتوزع في الجمهورية كلها انا ما اهتمتش قوي و مع الصيام و كنت متعكنن من الخبطة

بس باللي بصيت عليها كدا و حطيت ايدي على الشكمان اندفاع الهوا مش قد كدا برضه

رد: اعرف ازاي شكمان اللانوس الاصلي؟؟؟ شكلي اتقرطست
 

اهم حاجة ميكونش فيه تنفيس ولا العربية بتسخن او السحب مش كويس
غير كدا طبيعى ان الصوت هيخف والمعدل خروج الهوا هيقل شوية
فرق كبير بين علبة سليمة وعلبة مخرمة مصفة زى قلتها
والله أعلم

رد: اعرف ازاي شكمان اللانوس الاصلي؟؟؟ شكلي اتقرطست
 

العنوان لذيذ قوي - ان شاء الله مفيش قرطسة ولا حاجة

رد: اعرف ازاي شكمان اللانوس الاصلي؟؟؟ شكلي اتقرطست
 

المهم عامل معاك ايه دلوقتي

رد: اعرف ازاي شكمان اللانوس الاصلي؟؟؟ شكلي اتقرطست
 

معلش لسه شايف الرد حالا ... هو كويس الحمد لله شغال .. ان جيت للحق انا مطنش العربية خالص و حاليا موضوع الشكمان ده اقل حاجة شغلاني .. اساسا معاد تغيير الزيت عدى من فترة و انا مش لاقي وقت و مكسل :D