مصر موتورز مجتمع السيارات - مشكلتين فى الفيرنا البنزين والتكييف بالصور

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مشكلتين فى الفيرنا البنزين والتكييف بالصور (https://www.masrmotors.com/vb/showthread.php?t=116274)

مشكلتين فى الفيرنا البنزين والتكييف بالصور

السلام عليكم ورحمه الله
اخوانى الكرام لدى سيارة فيرنا اليومين دول اخدت بالى من الاستهلاك بتاعها فى البنزين عشان الظروف اللى فاتت والازمة فاخدت بالى من الموضوع
انا بغير فلتر بنزين كل 5000 والزيت فى ميعادة نظافة دورية لفلتر الهواء كل 1000
والدنيا كويسة واستعمال بنزين 92 بشكل دائم
حسبتها كذا مرة حوالى 4 مرات امون لحد الزور ومشيت جوة البلد وعملت 110 كيلو ومونت تانى عملت 13 لتر كررت العملية 4 مرات تعطى نفس الرقم 110 كيلو فى 13 لتر انا مشاويرى تقريبا نصفها زحمة والنص التانى طرق عادية لا تتعدى سرعة 80 بس مطبات كتير وطلوع على الاول اكثر وبفصل العربية وادور تانى كتير لانى مشاوير متفرقة والتكييف شغال تقريبا فى 110 كيلو دول حوالى ساعة ونص متفرقين
ولسة مجربتش على طرق سريعة بس اللى اقدر اقولة انى بمشى دائما على 140 طوال الطريق لانى بسافر الفجر دائما وتكييف طول الطريق متواصل بس برضة مش بتعمل كتير ممكن تعمل فى 20 لتر حوالى 220 كيلو على سرعة 140 وتكييف طول الطريق
بس لسة هحسب تانى لانى بقالى شهر تقريبا مسافرتش بيها
هل دا مناسب ولا عندى مشكلة
هو لون العادم مفيش لون وريحتة طبيعية وصوت الماتور عادى
_________________________ _________________________ _____
المشكلة الثانية
عندى على بلف الفريون على ما اعتقد انة بلف الفريون لاننى مش متاكدة عشان فى 2 بلف واحد مكتوب علية h والتانى L
المشكلة اللى عندى بقى فى L
دى الصورة بتاعتة
http://www5.0zz0.com/2013/07/08/21/144863388.jpg

http://www5.0zz0.com/2013/07/08/21/794957949.jpg

البلف دا علية غطاء امان ازرق وموجود تحت الغطا كاوتش لمنع اى تسريب او اى حاجة بعد فترة بلاقى لما اجى افتحة خروج هوا فسسس بس مجرد اقل من ثانية يعنى مجرد حاجة لا تذكر بس بسمعة وبلاقى بعد كدة فقاقيع بسيطة عند اخر البلف الحديد اللى جوة عامل زى بلف الكاوتش ومجرد ثوانى والفقاقيع تقف ومفيش اى صوت واقفل تانى وتتكرر العملية بعد يومين 3 ايام كدة
دا بقى بلف اية وهل غطا الامان كفيل بعدم خروج حاجة ومفتحوش تانى عشان ميسربش
للعلم التكييف كويس ومفيش حاجة تدل انة فى عطل الحمد لله
وحتى البلف اللى جوة جديد لانج بتاع الفبريقة و معلوش اى صدا ولونة جديد
_________________________ _________________________ ______

اسف على الاطالة وشكرا لكم جدا .......؟

رد: مشكلتين فى الفيرنا البنزين والتكييف بالصور

اية يا جماعة دا انا لو كاتب موضوع فاضى كان اى حد عمل تعليق

رد: مشكلتين فى الفيرنا البنزين والتكييف بالصور

انا بصراحه مش شايف ان في اي مشكلة متوقع لها اجابه
مع اني مش خبير طبعا
بس طالاما كل حاجه تمام ايه المشكلة
وموضوع البنزين انا شايفو طبيعي جدااااا
اكيد هيختلف حرق البنزين وانت مشغل التكييف عكس وانت مش مشغلو اكيد هيبقي في فرق حتي ولو بسيط
وشايف النسب الي انت كاتبها انت مبررها ياعني الموضوع طبيعي
ربنا يباركلك في عربيتك ياباشا :)

رد: مشكلتين فى الفيرنا البنزين والتكييف بالصور

اقتباس:

المشاركة الأصلية كتبت بواسطة MAdO_SoFT (المشاركة 904078)

انا متشكر جدا لحضرتك وانا اليومين دول عملت 80 كيلو فى 3 ايام يعنى كل يوم الصبح لحد ما اروح حوالى 26 كيلو والتكييف طول الطريق ال 26 كيلو دول مشاوير قصيرة ومش بفصل العربية لما اروح اجيب حاجة سوبر ماركت مثلا لان فيها اهلى بخليها شغالة عشان التكييف الحوار دا حوالى ساعة ونصف كل يوم وبروح البيت بعد 3 ايام مونت العربية عملت 12 لتر فى 80 كيلو طبعا دا كتير شوية بس انا قلت عشان التكييف ومبفصلش العربيية وكدة
عموما شكرا جدا على راى حضرتك واتمنى اسمع راى باقى الاعضاء

رد: مشكلتين فى الفيرنا البنزين والتكييف بالصور

فى رأيى مفيش مشاكل
بس لو فى يوم اتضطريت تشحن فريون يفضل تغيير البلوف و التاكد من عدم التسريب

و برضه للحكم على صحة احكام غطاء البلف : سيبه راكب متفكوش لمدة 3 ايام و جرب باسفنجة مشبعة ميه و صابون حطها على غطاء البلف و شوفه بيسرب و لا لأ