|
استفسار عن كورولا 2008
السلام عليكم
اولا اعذروني قبل ما ابدا اتكلم انا خبرتي في العربيات ضعيفة انا كنت بدور على عربية كورولا في النت و لقيت واحدة 2008 جنوب افريقي عاملة 70 الف كيلو و بسعر 80 الف بس مالكها قالي ان جيرها ستب ترونيك و دخلت هنا قريت و كان في نقد ليه و مدح في نفس الوقت فانا عايز اوصل لكلمة فاصلة بعد اذنكم خصوصا اني سمعت انه في قطعة في الجير ده بعشرين الف ..... تنصحوني بايه |
رد: استفسار عن كورولا 2008
و هل الفتيس الستيب ترونك ده مختلف عن فتيس mmt ده و لا ايه
|
رد: استفسار عن كورولا 2008
السلام عليكم احنا كان عندنا منها واحده وما كانش فيها اى مشاكل لان معظم استخدامنا كان على طرق سريعه وفى التوكيل المهندس قال ان المشاكل اللى فى الفتيس بتبان لما يبقى معظم استخدامك داخل البلد .....ليه بقى؟؟؟ لان الفتيس ده اساسا مانول وفيه دبرياج واسطوانه وكل مكونات الفتيس المانول العادى ولكن الدبرياج بالكمبيوتر وطبعا كلنا عارفين ان المشى فى الزحمه والوقوف الكتير الكمبيوتر بيبقى دايس دبرياج وكل فتره بيبقى ليه ظبطه معينه فى التوكيل ..... ولكن حاليا عندنا كورولا 2010 اتوماتيك عادى بس بصراحه الفرق شاسع لصالح الاتوماتيك فنصيحتى لحضرتك بلاش تجيبها ولكن لو مُصِر لازم لازم تكشف فى التوكيل وتسأل المهندس عن حاله الفتيس وهل السوفت وير بتاعه معدل زى بتاع 2009 ولا لأ وعلى فكره الفتيس اسمه mmt وليس ستبترونك ولكن فيه ناس بتقول عليه ستبترونيك اتمنى اكون قدرت اقول حاجه مفيده واى استفسار فى معلوماتى المحدوده انا تحت امرك |
رد: استفسار عن كورولا 2008
كلام الاستاذ احمد مضبوط
وثانيا سعر العربية قليل اوي |
رد: استفسار عن كورولا 2008
متشكر جدا يا استاذ احمد و استاذ شريف
و انا خلاص صرفت نظر عنها و ربنا يرزقنا بحاجة حلوة كدة :) |
| الساعة الآن 07:03 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017