|
احسن مركز خدمه متخصص في الميكانيكا للدايو والشيفورليه
معايا شيفورليه لانوس 2012 روحت التوكيل عند صيانه 5000 بس ومروحتش تاني علشان مبيعملوش اي حاجة في العربيه خالص المهم واحد ابن حلال نصحني اروح عند واحد اسمه محمد دايو في مدينه نصر روحتله لقيت عنده عربيات لانوس كتييييير و شيفورليه كتييير بكل انوعها بس بصراحه راجل محترم وبتاع ربنا ومصنعيته قليله اوي انا روحت غيرت زيت وفلتر وربطت عفشه وكان سير الكتينه مرخي ظبطهولي وكشفلي علي زيوت العربيه كلها وغيرلي تيل فرامل وكل ده وخد مصنعيه 25 جنيه غير طبعا سعر الزيت والفلتر والتيل وهيديكوا كتيب صيانه كدة ويكتبلك انت غيرت ايه عند الكيلو كام وكدة المهم عنوانه للي عاوز يروحله وانت نازل من علي كوبري 4 ونص هيبقي النادي الاهلي علي شمالك كدة ادخل اول دخله يمين هتلاقيه تاني عماره ع الشمال كدة واسأل اي واحد علي محمد دايو هيشورلك عليه واسف ع الاطاله والله الموفق |
رد: احسن مركز خدمه متخصص في الميكانيكا للدايو والشيفورليه
اقتباس:
فعلا بتوع التوكيل دول بيسرقوك بس برضاك ممكن التغيرات الى عملهتا حضرتك دى للفلاتر تكلفك فى التوكيل مش ااقل من 300 جنية انا روحت التوكيل لحد صيانة 40.000كم كانت العربية برضة جديدة وبخاف عليها من الميكانيكية ومكنتش برضة اعرف ميكانيكية كويسين بس من بعد ما اتعاملت مع الميكانيكية برة حسيت انى بلى دفعته زيادة فالتوكيل كنت عملت بية صيانة لمدة 10 سنين قدام عند الميكانيكية برة .... عموما ربنا يباركلك فيها ويكفيك شرها يا ريس :14FEAD~151: |
رد: احسن مركز خدمه متخصص في الميكانيكا للدايو والشيفورليه
تسلم يا معلم علي مرورك وردك وربنا يوفقك ان شاء الله :THUMBS~220: |
| الساعة الآن 12:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017