خطه كبيره من اجل مصر-1-الرئيس المثالى لمصر؟
 

اتكلمنا مع بعض فى تمهيد لحوارنا الحالى فى موضوع مصر ناقصها خطه
ووصلنا مع بعض ان البلد محتاجه لخطه كبيره نتفق عليها كلنا يلتزم بها رئيس الجمهوريه وحتى اقل مسئول
طيب الكلام ده حلو وعسليه كمان بس بدون خطه واضحه تبقى كلام فاضى
زى اى كلام فاضى سمعناه عن دوله العدل والحريه والنزاهه والمصداقيه والشفافيه والملوخيه
كلام فى كلام
وبمناسبه اللى بيحصل دلوقتى سالت نفسى سؤال (لو قدامى اختار قائد بين رؤساء الجمهوريه الحاليين او حتى السابقين , يكون رئيس جمهوريه لبلدى , اختار مين؟؟)
بوتين ولا اوباما ولا مهاتير محمد ولا السادات ولا ابو بكر الصديق ولا سيدنا محمد صلى الله عليه وسلم
مين الشخصيه اللى يرضى عنها الشعب ويمشى وراها فعلا
ووجدت ان لو حتى رسول الله صلى الله عليه وسلم هاتختلف عليه الناس (وده حصل فعلا زى ما كلنا عارفين من تكذيب وافتراء وتشويش وحتى التهجير القصرى)
وبناء عليه ...
الرئيس مش لازم كل الناس تتفق عليه , لكن لازم يقنع الناس انه لديه من الحكمه والاراده والقوه ما يمكنه من اداره شئون البلاد والعباد (وده للاسف اللى فشل فيه الدكتور مرسى, انه يقنع الناس)
========الخلاصه========
رئيس الجمهوريه المثالى لمصر من وجهه نظرى هايكون فيه الصفات دى :
- راجل يكون له انجازات فى حياته العلميه والعمليه والشخصيه والاجتماعيه (الانسان الناجح بيكون ناجح فى كل حياته والفاشل قد يكون ناجح فى بعض حياته).
- يكون انسان مسئول يقدر المسئوليه ويلاقى حلول للمشاكل اللى بتزيد مع زياده مسؤلياته(دمه حامى وبيفهم).
- مش لازم يكون بيفهم فى كل حاجه , لكنه يقدر يختار ناس ويرجع لناس همهم هو البلد دون مصالح.
- عنده درجه من التواضع اللى تخليه يسمع كل اللى حواليه ويفهمهم ويقدر رايهم مهما كان وزنهم النسبى لهم لكن يحسسهم باحترامه لهم , ويوم ما يغلط يعترف ويتراجع عن اسلوبه لكن مش عن هدفه.
-يكون هدفه هو مصلحه البلد دون اى مصلحه شخصيه او انتماء لاى حزب
- يكون مواطن مننا اكل اكلنا وشرب شربنا وعاش حياه المصريين العاديين وعارفهم بيعانوا من ايه وعنده حلول او حتى هدف بعيد انه يخليهم فى احسن
بشكل عام انا لو شفت حد بالمواصفات دى فى حياتى هاحترمه , واتمنى كل مسئول فى البلد يكون بالصفات دى
================
عاما لو نفسك تشارك معانا اخبط لايك للصفحه دى (تحت الانشاء)وشاركنا بافكارك
https://encrypted-tbn1.gstatic.com/i...NSWGGJZNTkz9oa

هو المفروض هنا نعرض كل الافكار واحلامنا لبلدنا فى السياسه والاقتصاد والتعليم والصحه وحتى الرياضه والكوره , اى حاجه نضيف بها للبلد اى حاجه يشكرونا عليها ولادنا .