مصر موتورز مجتمع السيارات - ماتريكس ولا فولكس باراتي

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ماتريكس ولا فولكس باراتي (https://www.masrmotors.com/vb/showthread.php?t=11576)

ماتريكس ولا فولكس باراتي

أرجو من إخواني فى المنتدى إفادتي

علشان بجد أنا محتار بين الماتريكس (علماً بأنها تقفيل تركي)

والفولكس باراتي (مش عارف ألماني ولا إيه بالضبط)

يا ريت تفيدوني أفادكم الله

رد: ماتريكس ولا فولكس باراتي

اهلا و سهلا بيك استاذ اشرف
بالنسبه للمقارنه بين الاتنين فمن رايي ان الماتريكس افضل
بالنسبه للانتشار و السعر و اعاده البيع و قطع الغيار و الصيانه فالماتريكس مكتسحه
الفولكس باراتي برازيلي علي فكره ولا تمت لالمانيا بصله لان دي موديلات مصنوع في البرازيل لدول العالم الثالث
زيها زي الجول كده مثلا .
بالنسبه للتقفيل التركي فكان مع خالي ماتريكس 2008 مافيش فرق بينها و بين الكوري
لكن و الله اعلم متهيالي موديلات 2009 و 2010 كوري مش تركي انا مش متأكد من المعلومه دي اوي.
و عموما ما فرقتش كوري من تركي مافيش فرق يذكر.

رد: ماتريكس ولا فولكس باراتي

بالاضافة لأن توكيل باراتي سئ جدا بينما توكيل هيونداي متوسط و هناك الكثير من الورش تعمل علي موديلات هيونداي
بصراحة الماتريكس أفضل من الباراتي كتيييييير

رد: ماتريكس ولا فولكس باراتي

اقتباس:

المشاركة الأصلية كتبت بواسطة hazem_khidr (المشاركة 66746)

اقتباس:

المشاركة الأصلية كتبت بواسطة islam_galal (المشاركة 66760)

بالاضافة لأن توكيل باراتي سئ جدا بينما توكيل هيونداي متوسط و هناك الكثير من الورش تعمل علي موديلات هيونداي
بصراحة الماتريكس أفضل من الباراتي كتيييييير

جزاكم الله كل خير إخواني حازم وإسلام على الرد المفيد

فيه سؤال صغير كمان .... معلش

هل شكل وإمكانيات الماتريكس 2010 إختلف عن 2009 للأهمية وشكراً مرة تانية للإهتمام

رد: ماتريكس ولا فولكس باراتي

الشكل الخارجي بس هو اللي اختلف ... لكن العربيه هي هي .. و الفروق بسيطه جدا لدرجه لاتذكر ..
زي عواكس الابواب مثلا ..
لكن نفس الموتور و العفشه و الفيتيس و التابلوه و الدريكسيون ..
ال 2008 التركي كان فيها جراب نضاره بين الشماستين .. مش فاكر ال 2010 فيها و لا لأ ... بس هي دي نوعيه التغييرات
الكاسيت و الانذار غبور اللي بيركبهم .. غير كده باقي العربيه جاي من بره سواء كوري او تركي
واهلا بيك معانا في مصر موتورز