مصر موتورز مجتمع السيارات - احذروا من الرادار على طريق مرسى مطروح

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - احذروا من الرادار على طريق مرسى مطروح (https://www.masrmotors.com/vb/showthread.php?t=115735)

احذروا من الرادار على طريق مرسى مطروح

أعضاء المنتدى الكرام .. احذروا من الردار في الــ 30 كيلو الاخيرة قبل بوابات مرسى مطروح .. لاني منذ 10 ايام بمرسى مطروح و كانت السرعة طوال الطريق 140 الى 150 كيلومتر/ ساعة .. و لما تعبت من طول الطريق و قمت بتخيفض سرعتي الي 120 كيلو فقط .. و قبل وصولي لمطروح بحوالي 10 كيلومتر استوقفتني لجنة و طلبوا الرخص بسبب السرعة .. هههههههه و لما سألت الضابط سرعتي كانت كام قالي 115 كيلو .. و الغرامة الفورية 150 جنيه .. طبعا دفعت و عكنن عليا و احنا لسهة رايحين .. لكن المهم الحمد لله عدت على خير و رجعنا بالسلامة ..
كمان في تحذير تاني للي هيسافر .. في منطقة الضبعة مسافات مسفلته و فجأة تلاقي حفرة وسط الطريق .. فحذار .. و ربنا يسترها مع الجميع ..

رد: احذروا من الرادار على طريق مرسى مطروح

امال السرعة القانونية كام على كده ؟؟

اوعى تصدمنى وتقولى 100 ههههههههه

رد: احذروا من الرادار على طريق مرسى مطروح

اقتباس:

المشاركة الأصلية كتبت بواسطة حسام البورسعيدى (المشاركة 898925)

امال السرعة القانونية كام على كده ؟؟

اوعى تصدمنى وتقولى 100 ههههههههه

تصدق يا صديقي اني هصدمك فعلا .. لأني سألت الضابط السرعة المسموح بيها كام ؟ قالي 100 كيلو بس .. يعني حضرتك تمشي على قد 100 كيلو من القاهرة لمطروح توصلها بعد 8 أو 9 ساعات على الاقل .. شوفت بقى .. و كمان عندك من الصحراوى (وادي النطرون) طريق العلمين حوالي 140 كيلو لغاية مارينا و الساحل مفيش فيهم رست كمان .. و عايزك تمشي بسرعة 100 كيلو ما تشوفش غير صحرا من كل جهه .. ساعتها تبقى عايز تخلص الطريق بأي شكل و لو عربيتك تجيب 300 في الساعة هتعملها و تجرى بالسرعة دي .. دا أنا اخدتها من القاهرة الى مطروح برست الصحراوي فقط في 5 ساعات .. كنت اتنفخت من السواقة .. تحياتي ..

رد: احذروا من الرادار على طريق مرسى مطروح

السلام عليكم

نحن عندنا الطريق السريع 80 فقط و الطريق السيار ما بين الولايات 100 و اعلى سرعة 120
يعني انتم ارحم

رد: احذروا من الرادار على طريق مرسى مطروح

اقتباس:

المشاركة الأصلية كتبت بواسطة يسري أبو الخير (المشاركة 898904)

انا لبست من 3 اسابيع فى نفس الكمين واقف فيه 3 ظباط شباب صغيريين و بتاع الردار مستخبى قبليهم ب 20 كيلو و كنت ماشى 120 اخدنى 117 و لبسنى ال 150ج

واضح انها سبوبة او نصباية لأنى لما رحت اجدد رخصة وادفع مخالفات ملقتش دية فى اى سجل