مصر موتورز مجتمع السيارات - احذورا من بتاع الكاوتش اللى فى شارع السودان قبل مطلع المحور نصاب

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

احذورا من بتاع الكاوتش اللى فى شارع السودان قبل مطلع المحور نصاب

خوانى اعضاء مصرموتورز حبيت احذركم من شىء حصل معايا وانا اسيربالسيارة وبالتحديد بعد بنزينة موبيل اللى قبل مطلع المحور فى شارع السودان .. واحد قالى العجلة الامامية نايمة وبعدها ب100 متر لقيت بتاع كاوتش قلت ازودها ولكن طلعوا نصابين والعجله مش نايمة ولا حاجه وقعد يحط فى العجله خوابير لحام على الفاضى وفى الاخر قالى الحساب 60 جنيه وانا واقف عنده واحد جه وقالى دول عملو فيه نفس الموقف يعنى بوظوا فردة الكاوتش وعاوزين ياخذوا 60 جنيه منهم لله .. خلى بلكوا لوحد قا لكم فردة الكاوش نائمة بلاش تدخل لبتاع الكاوتش اللى بعديه واتاكد الاول هى نائمة ولا لئه علشان خلاص مفيش ضمير ..
الراجل ده قبل مطلع المحور فى شارع السودان وانته جايه من ناحية امبابه وطالع المحور من شارع السودان

رد: احذورا من بتاع الكاوتش اللى فى شارع السودان قبل مطلع المحور نصاب

واحد عملها فيا
محل أمام نادى الشروق لضباط الشرطة, كورنيش النيل, طرة البلد, قبل عمارات الشرطة مباشرة
و قالى 90 جنية
و بوظ كاوتش هانكوك كورى ماشى حوالى 10000 كيلو بس
حسبى الله فيه, يارب أيده إللى خرمت يبكى عليها زى ما بيغش خلقك