مصر موتورز مجتمع السيارات - إلي السادة خبراء BMW الفئة الخامسة من موديل 2005 وحتي 2009

مصر موتورز مجتمع السيارات (https://www.masrmotors.com/vb/index.php)

- BMW (https://www.masrmotors.com/vb/forumdisplay.php?f=24)

إلي السادة خبراء BMW الفئة الخامسة من موديل 2005 وحتي 2009

أنا طول عمري بصراحة بحب المرسيدس من زمان واللي حببني فيها والدي ربنا يديلو الصحة .. بس بصراحة ال بي ام الفئة الخامسة من موديل 2005 وحتي 2009 لفتت انتباهي بشدة وعشقت شكلها جدا .. وافكر بجدية في شرائها .. ولكني لا اعرف اي شيئ عنها غير السعة اللترية .. ارجو الافادة عن اسعار قطع الغيار تقريبا مقارنة بالمرسيدس من نفس الموديلات وما هو الفرق بين 2005 و2008 مثلا مع انها نفس الشكل والضريبة السنوية تقريبا لهذه الفئة .. وتقبلو تحياتي .... جمال

رد: إلي السادة خبراء BMW

هى عربيه تحفه شكلاً وموضوعاً مفيش كلام بس مقارنة بال c180 بتاعتك فهى مقارنة بين بسكوتة وقالب طوب :)

البى ام الحديث كله مشاكلة كتير وخاصة كمستعمل او زى ما بيقولو بره بعد ال 5 سنين الاولى اعتماديتها بتنزل جااااااامد جداً

وبالنسبة لقطع الغيار هى غالية بس متوفرة وفيه بدائل احياناً وساعات لاء يعنى مثلاً كفوانيس واكصدامات وريدياتير والحاجات اللى بتوظ فى الحوادث لا قدر الله هتلاقى الاصلى وهتلاقى ماركات تايوانى واسيوى عموماً وكدة وفيه استيراد كمان

يعنى باختصار هى ركوبة اجمل واشيك وامتع فى الاداء من المرسيدس بس كل ده فى مقابل اعباء اكتر فى الصيانة وتكاليف التشغيل لو بتحسبها بشكل عملى