فك الكنترول قاعدةالبطارية,علبةفلتر الهواء ,بوابة الهواء.فيلرزيت فتيس.علبةفيو
 

السلام عليكم

الكلام دا أنا عملته من فترة لورا شوية بس كنت بقلب فى الصور لقيتهم قلت أشرحلكم جايز عشان نستفيد كلنا

أنا مبدئيا كنت بغير فلتر الهواء بس لاحظت وجود رمل من تحت الفلتر معدى وراه قلت أفك العلبة اللى فيها الفلتر

أنا عملت الكلام دا بالليل قبل الفجر بساعة كدا ...... كنت مضايق قوى ومش مركز بس معرفش ازاى عملت كدا

عشان كدا تعبت .....وحتى وأنا بركب تعبت برضه ...لأن عشان نفك علبة فلتر الهواء لابد من فك (البطارية .. قاعدة البطارية ... الكنترول )

نسمى الله ونبدأ بفك فلتر الهواء http://www.masrmotors.com/vb/showthread.php?t=115417

بعدين نفك البطارية ..... فيه مسمار ألانكيه مثبتها بحتة حديدة زنق كدا نفكها بالألانكيه النجمة نفك الضفيرة السالب اولا ثم الضفيرة الموجب
نطلع البطارية .... ودى قاعدة البطارية ... فيها كام مسمار ألانكيه نجمة نفكهم برضه
http://imageshack.us/a/img210/724/dsc01626h.jpg
بعدين نفك المسمار اللى ماسك الكنترول فى القاعدة مفتاح 10
http://imageshack.us/a/img35/3194/dsc01630vf.jpg

http://imageshack.us/a/img818/9759/dsc01631sk.jpg
بعدين فى أول القاعدة من قدام فيه صامولة رابطة ضفيرة السلوك كلها فى قاعدة البطارية نفكها مفتاح 10 برضه

http://imageshack.us/a/img843/4946/dsc01644s.jpg
http://imageshack.us/a/img12/39/dsc01646gw.jpg

http://imageshack.us/a/img607/5751/dsc01647h.jpg

دلوقتى هنفك فيش الكنترول نفسه هو ليه 3 فيش راكبين فيه على شماله ... فكهم كالآتى

زى ما أحنا شايفين فى الصورة فيه 3 فيش ليهم 3 مشابك المشابك دى زى ما أنا مشاور بالسهم بنشدها من تحت لفوق بشكل دائرى هى بلاستيك طبعا و مع الشد دا هنلاقى الفيشة بتطلع معانا برا
بصراحة قرفتنى وطبعا عشان دا بلاستيك والعربية 2007 وسخونة ال موتور أكيد أتأثرت وبقت أضعف فربما تتكسر وأحنا بنفك زى اللى تحت خالص فى الصورة بس عادى هتركب برضه
http://imageshack.us/a/img689/6302/nino0037.jpg
http://imageshack.us/a/img824/7097/dsc01628ur.jpg
http://imageshack.us/a/img41/9282/nino0039.jpg
زى ما أحنا شايفين أول فيشة طلعت ولونها أخضر فى أزرق وهى أصغر من الفيشتين اللى لسة باقيين وفيها 28 pin......أربع صفوف بالعرض *7 صفوف بالطول
http://imageshack.us/a/img706/4462/nino0040.jpg
ودى الفيشة التانية لونها برتقانى فى بنى تقريبا مليش فى الألوان قوى
http://imageshack.us/a/img59/39/nino0042.jpg
ودى الفيشة التالتة والأخيرة اللى من تحت خالص ولونها برتقانى من ورا فى أسود
http://imageshack.us/a/img21/1141/nino0043.jpg
ملحوظة : الفيشتين التانية والتالتة فيهم 48 pin وهما زى بعض فى الحجم وعدد السنون اللى جواهم عشان نبقى نميزهم بإن لونهم مختلف.... الفيش قرفونى فى فكهم بصراحة
أحنا كد فكينا الكنترول خلاص نشده لفوق هيطع معانا بسهولة ودى صوره ليه هو بيبقى فيه جزء معدن أهو معرفش دا ألومونيوم ولا تيتانيوم مع ألومونيوم وهو مشرح باين عشان يبرد الكنترول
[IMG]http://nileup.com/up/uploads/**********_13578191031.jp g[/IMG]
الكنترول مكتوب عليه Johnson Controls
http://imageshack.us/a/img252/4944/dsc01635ms.jpg
ومكتوب عند الفيش بتاعته Sagem بالرغم من إنى سمعت إن سيمنز هى اللى عاملاه بس طلع إن ساجم وجونسون كنترولزhttp://imageshack.us/a/img706/3816/dsc01636au.jpg
http://imageshack.us/a/img5/1773/dsc01684ma.jpg
نيجى بقى لقاعدة البطارية نطلعها طبعا هتعاكسنا السلوك اللى فوقيها بس نسايسها هتطلع معانا
شايفين الزور دا اللى باين من القاعدة قبل ما نفكها دا مسار الهواء اللى بيدخل العلبة اللى بيركب فيها الفلتر وعندى زى ما أنتو شايفين فيه حتت مكسورة
http://imageshack.us/a/img715/5143/dsc01641fy.jpg
ودى القاعدة نفسها http://imageshack.us/a/img526/3958/dsc01654vr.jpg

حاجات هنقدر نشوفها لما نشيل قاعدة البطارية :
هنشوف قاعدة الفتيس مش هى دى برضه
http://imageshack.us/a/img6/7087/dsc01648qk.jpg
دلوقتى أنا هفك العلبة اللى بيركب فيها فلتر الهواء عشان أنضفها من جوا اللى بيدخل ذرات التراب فيها هو إن الفلتر مع التركيب والفك الجلدة بتاعته ممكن تتقطع لما بتحك فى البلاستيك فيحصل تسريب!!!!
فلازم ناخد بالنا كويس جدا وأحنا بنفك الفلتر ونركبه عشان الجلدة بتاعته ما تتقطعش زى ما فى الصورة كدا http://imageshack.us/a/img705/4618/dsc01625ew.jpg
نفك المسمار بتاع القفيز اللى مربوط فى العلبة بتاع الفلتر ونشده علينا ونخلعه http://imageshack.us/a/img825/7355/dsc01650w.jpgوممكن نفك من ناحية بوابة دخول الهواء لو عايز تطلع العلبة بالماسورة الجلد اللى رايحة لبوابة الهواء نفك برضه المسمار بتاع القفيزونشدها لورا
http://imageshack.us/a/img10/1093/dsc01651la.jpg
ونشيل الخرطوم دا نفسى أعرف هو خرطوم إيه مش عارف خاص بحساس الهواء ولا إيه بالضبط ؟
http://imageshack.us/a/img849/9003/dsc01652w.jpg
[IMG]http://nileup.com/up/uploads/**********_13578229651.jp g[/IMG]
شايفين الماسورة البلاستيك اللى مشاور عليها بالأخضر فى الصورة دى بقها داخل فى بق علبة الفلتر بطريقة معينة http://imageshack.us/a/img20/5861/dsc01648v.jpg
لو بصينا فى نهايتها من ورا من ناحية الأكصدام هنلاقيها ليها فتحتين واحدة رايحة للماسورة دى اللى بتدخل الهواء من فوق فى الأكصدام هنفكها منها [IMG]http://nileup.com/up/uploads/**********_13578211361.jp g[/IMG]
الفتحة التانية ودى راكبة فى ماسورة نازلة لتحت ناحية الرفرف الشمال للعربية معنى كدا إن العربية بتتنفس من مكانين ..... هنفكها من الماسورة دى
عشان نقدر نطلع الماسورة اللى راكبة فى بق علبة فلتر الهواء ودى صورتها بعد ما فكيتهم من بعض [IMG]http://nileup.com/up/uploads/**********_13578216041.jp g[/IMG]
بصراحة بصراحة دى أصعب حتة وهتبقى اصعب وأصعب فى التركيب لأن المواسير دى هتعاكسك وإنت بتركبها من تانى فى بعض ومش هتبقى عارف تدخل علبة فلتر الهواء
هى ليها طريقة معينة فى الفك أو التركيب بعد ما حررنا الماسورة اللى داخلة على علبة الفلتر من الماسورتين اللى فى وش الأكصدام واللى رايحة لتحت ناحية الرفرف
نرجع للماسورة نفسها ونحاول نشدها لورا سنة ونلفها وهى فيها حتة بتبقى مش كاملة بس عندى أنا مكسورة http://imageshack.us/a/img534/7640/dsc01656g.jpg
وبعدين بنطلعها
http://imageshack.us/a/img338/2997/dsc01658ih.jpg
بنشد العلبة علينا هى بتبقى متثبتة بحتة جلد اللى مشاور عليها فى الصورة دى http://imageshack.us/a/img812/1081/dsc01649po.jpg
دا شكل العلبة بعد ما فكيتها ومعلم فيها باللون الأحمر على الحتة البارزة دى عشان ناخد بالنا وأحنا بنركبها بترك الأول http://imageshack.us/a/img717/6179/dsc01659mf.jpg
[IMG]http://nileup.com/up/uploads/**********_13578235151.jp g[/IMG]
http://imageshack.us/a/img715/5916/dsc01662x.jpg
نلاحظ فى الصورة دى الخرم بتاع الخرطوم مقابل للفتحة بتاع حتة الخرطوم اللى بارزة عن الخرطوم اللى رايح لبوابة الهواء
http://imageshack.us/a/img341/134/dsc01661b.jpg
دى الحتة البارزة معلم عليها بالأحمر حدش يعرف فايدتها إيه ؟ أو مصممة ليه بالشكل دا ؟
http://imageshack.us/a/img10/1093/dsc01651la.jpg
أنا نضفت البوابة برضه ودا موضوعها أنا كنت عايز أفك البوابة كلها بس للأسف فيه مسامير مزنوقة عايزة يد لقم سستم بس أنا نضفتها مكانها وخلاص
http://www.masrmotors.com/vb/showthread.php?t=115418
بعدين ركبت كل حاجة فى مكانها بس تعبت قوى ......... لزقت الحتة المكسورة ببلاستر بحيث إنها متسربش هواء
[IMG]http://nileup.com/up/uploads/**********_13578254863.jp g[/IMG]
[IMG]http://nileup.com/up/uploads/**********_13578254862.jp g[/IMG]
الصورة الأخيرة للفلتر الجديد اللى ركبته[IMG]http://nileup.com/up/uploads/**********_13578254861.jp g[/IMG]
ودا سيرفو الفرامل والماسورتين اللى داخلين فيه بتوع الزيت وعلبة الزيت
[IMG]http://nileup.com/up/uploads/**********_13578260131.jp g[/IMG]
[IMG]http://nileup.com/up/uploads/**********_13578260142.jp g[/IMG]
ودا تقريبا مكان تزويد الزيت للفتيس الأوتوماتيكى
[IMG]http://nileup.com/up/uploads/**********_13578260143.jp g[/IMG][IMG]http://nileup.com/up/uploads/**********_13578262491.jp g[/IMG]
ودى علبة الفيوزات بعد ما نفك الغطاء بتاعها فيه مسمارين ألانكيه نجمة نفكهم
[IMG]http://nileup.com/up/uploads/**********_13578262492.jp g[/IMG][IMG]http://nileup.com/up/uploads/**********_13578262493.jp g[/IMG][/QUOTE]