ايرباج الستروين C4 فتح ومحتاج المساعدة فى إعادة تشغيله
 

السلام عليكم أ

ارجو المساعدة فى معرفة مكونات سيستم الاير باج الازمة لإعادة تشغيل النظام لستروين c4 ، ذلك لان الاثنين عندى مفتوحين وعملت اتفاق مع تاجر قطع غيار استيراد بالاسكندرية أنى اشترى النظام كله بجميع مشتملاته ، بمبلغ معقول (3000 جنيه ) فما هى القطع والواصالات المطلوبة وأماكنها بالسيارة

وسؤال تانى ، سمعت أن تغير كارتة الكمبيوتر( وحدة bcm ) اللى تحت عصاية الفتيس باخرى كانت مستعملة بسيارة اخرى غير سليم وفى الغالب النظام لن يعمل حيث أن الكارته دى تحوى الذاكرة الخاصة بكل سيارة ولا يمكن إلغائه . فهل هذا كلام سليم ولا إيه ؟؟؟

وهل ممكن اشترى هذه الوحدة فقط من التوكيل جديدة والباقى استعمال حيث ثمن السيستم كامل فى التوكيل أكثر من عشرين ألف

ولا أحسن حاجة أنى انسي الموضوع وأللغى النظام خالص

أرجو النصيحة ضرورة لانى بجد محتار جداً

تحياتي للجميع

رد: ايرباج الستروين C4 فتح ومحتاج المساعدة فى إعادة تشغيله
 

وعليكم السلام ورحمة الله وبركاتة واهلاً بيك فى مصرموتورز

مشكلتك ديه محتاجة مكالمة منك لفريد شوقى ده صاحب مركز هنا فى القاهرة بس كلمة وقولة انك من مصرموتورز وهو هيفيدك ان شاء الله

فريد شوقى 01223236021

رد: ايرباج الستروين C4 فتح ومحتاج المساعدة فى إعادة تشغيله
 

ممكن تقولي السيارة سنه كام

رد: ايرباج الستروين C4 فتح ومحتاج المساعدة فى إعادة تشغيله
 

وفيه حل احسن اشتري حضرتك (bcm) استراد وخلي التوكيل او اي ورشة تبرمجة علي العربية - هتوفر كتير قوي

رد: ايرباج الستروين C4 فتح ومحتاج المساعدة فى إعادة تشغيله
 

السلام عليكم

شكرًا جزيلا على التفاعل والمساعدة على كل حال احد الأعضاء ارسل لى رقم فريد شوقى وكلمت واحد عنده بس قال لى رجع كارت BCM اللى جبته وأنا هشغل بتاع العربية مقابل 400 جنيه اضافى
لكن الصراحة أنا مش متأكد من صدق كلامه لان اللى اعرفه أن هذه الكارته لا يعاد برمجتها ولازم تتغير بس هو يسعى للمال الاضافى وخلاص
( أسف على فرض سوء النية بس اللى شفته من الصنايعية يخلى الواحد لا يثق بأحد)
المشكلة ان مش هتقدر تتأكد ان النظام اصبح يعمل إلا بعمل حادث جامد لا قدر الله وحتى سعتها إن لم يفتح الايرباج ممكن يكون لأن سبب آخر
عموما سوف اتأكد من مهندس التوكيل فى القاهرة الأول بس المشكلة لضيق الوقت لأنى من الإسكندرية وعز العرب بالاسكندرية لم يعد يعمل

عموما شاكر لكم تعاونكم والله المستعان