مصر موتورز مجتمع السيارات - إتجاة نقشة الكاوتش ... هل لها أهمية؟

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - إتجاة نقشة الكاوتش ... هل لها أهمية؟ (https://www.masrmotors.com/vb/showthread.php?t=114797)

إتجاة نقشة الكاوتش ... هل لها أهمية؟

السلام عليكم
أنا لاحظت إن نقشة الكاوتش عندى مش فى نفس الإتجاة.
فرده عكس الثانية.
هل ده ممكن يأثر على حاجه؟

رد: إتجاة نقشة الكاوتش ... هل لها أهمية؟

اعتقد والله اعلم مالانعلم ان لازم الكاوتش لو ليه روتيشن اتجاه يعنى انه لازم يتحط فى نفس الاتجاه لى انه لو اتعكل معكوس الكاوتش بيعمل صوت عالى وبيتاكل بسرعه جدا ده غير ان فرامله مبتبقاش كويسه

رد: إتجاة نقشة الكاوتش ... هل لها أهمية؟

في حاجتين مهمين جدا ند تركيب الكاوتش
1:في فرد بيكون مكتوب عليها out side علي وش الفردة
2:اتجاه الرسمة بالبلدي كدة ومن اهميتة لو انت بدوس في مية المية بتخل في الرسمة وتخرج لبرة
اما لو معكوسة الرسمة تلم مية ودخلها اسفل الفردة

رد: إتجاة نقشة الكاوتش ... هل لها أهمية؟

اتجاة النقشة فى منتهى الاهمية طبعاً والا كان الكاوتش بقى من غير نقشه خالص لان النقشه بتتصمم على اساس تاديه ادوار معينة مع اتجاه الحركة والاحتكاك بالاسفلت
فمثلاً النقشه مسئولة عن التماسك فى الارض مع الفرملة - وبالتالى لو النقشتين مش زى بعض العجلتين مش هيمسكو زى بعض
كمان مع التسارع هيكون فيه فرق دايماً بين الاتنين ولو بسيط
كمان مع الفرملة والارض مبتله او فيها ميه الاداء هيفرق جامد

فالمفروض تبص على الفردة وتشوف على الجنب السهم بتاع ظبط الاتجاه ازاى وتمشى عليه

http://www.cartalk.com/sites/default...s/ctRotate.jpg

http://www.townfairtire.com/images/d...re_example.jpg

اما فى حالة نقشه الشجرة فالموضوع سهل لانها شجرة فمن عدلة النقشه نفسها بتبان

http://autos.sympatico.ca/docs/sizes...ectio-tire.jpg

رد: إتجاة نقشة الكاوتش ... هل لها أهمية؟

في العادة ... الكاوتش مالوش اتجاه تركيب ... إلا في حالتين:

اتجاه التركيب حسب اتجاه الدوران

حتلاقي فردة الكاوتش مرسوم عليها سهم يبين لك اتجاه الدوران (للأمام طبعا :) )...
وعادة لما النقشة بتبقى ليها اتجاه عامل زي السهم، والنقشة دي بتساعد على طرد المياه من تحت الإطار بسرعة عالية، وبيستخدموها في الأماكن اللي فيها أمطار كتير وطرق مبلولة.

لما تيجي تغير أماكن الكاوتش... ممكن تغير اللي قدام تجيبه ورا أو العكس.... بس يفضل في نفس الجنب بتاع العربية (اليمين بس مثلا)... يا إما لو عايز تجيب اللي على اليمين وتحطه في الشمال يبقى لازم يتشال من الجنط ويتركب عليه بالعكس... عشان تحافظ على نفس اتجاه الدوران.

http://cars.cartalk.com/content/advi...s/ctRotate.jpg http://autos.sympatico.ca/docs/sizes...ectio-tire.jpg http://blog.autoworld.com.my/wp-cont...irectional.jpg

اتجاه التركيب حسب الجنط

حتلاقي الفردة مكتوب على جنب من الجنبين بتوعها: (OUTSIDE)
وده عادة لما النقشة بتبقى غير متماثلة... يعني الجنب اليمين مش زي الجنب الشمال، والنقشة دي بتساعد قوي في المنحنيات والغرز لإن الأجزاء الخارجية (اللي عادة بتشيل الحمل في الغرز) مصممة إنها تمسك في الأرض أفضل من الأجزاء الداخلية.

لما تيجي تغير أماكن الكاوتش معندكش مشاكل... المهم إن لما يحصل إنك لو حصل ورحت عند بتاع العجل لازم تخليه يركب الكاوتش على الجنط صح.. يعني الجهة الخارجية للجنط والكاوتش يبقو مع بعض.

http://www.barrystiretech.com/outside3.jpg http://t2.gstatic.com/images?q=tbn:A...OZaYPpOBNSHKEw http://www.barrystiretech.com/nondirlooksdir.jpg

اللي عايز معلومات أكتر ممكن يدخل على الوصلة دي:
http://www.barrystiretech.com/direct...icaltires.html

...