مقارنة بين رينو لوجان و صني
 

السلام عليكم
طبعآ في فرق سعر بين الأتنين
لكن انا بأفكر اتزنق و أجيب الصني
و كل شويه تجيلي فكرة الرينو اللوجان عشان سعرها
معلش هأتعبكم معايا
انااصلآ كنت بأفكر في لانسر بومه اوتوماتك بس لاقيت نفسي دخلت في فئة سعرية عاليه
المهم
دماغي بتخبط في بعضاها
متوقع زيادة أسعار السيارات
و مش معايا عربية عدله دلوقتي
قلت اجيب قبل الغلا
بالتقسيط طبعآ
محتاجها اوتوماتك و تكون أعتماديتها عاليه مش عاوزها تقل بأصلها معايا
عاوز عمرها الأفتراضي عالي
عاوز سعر اعادة البيع جيد
عاوز أمان أكتر لي وللأولاد
و كمان ممكن احمل فيها شغل نادرآ بس ممكن يحصل
بأختصار عاوز احس أني جبت أفضل مايمكن بأقل تكلفة ممكنه
مش قصدي ببلاش
لكن بأقل ما يمكن
حد منكم ممكن يساعدني
بس لو سمحتم يكون عن تجربة فعليه او من مصدر موثوق به
بعيدعن الأهواء الشخصيه
أنا عارفأنه أفضلهم على حد علمي اللانسر البومه
ده على حد علمي
لكن انا أمكانياتي دلوقتي مش متيسرة قوي
ممكن أقتراحات ؟؟

رد: مقارنة بين رينو لوجان و صني
 

هما الاتنين اوتوماتيك
اما الاعتمادية العالية دي على حسب السواق
يعني لو حضرتك اهتميت بالعربية والصيانة العربية عمرها ما تقل باصلها معاك

الصني اعادة بيعها كويسة جدا اما اللوجان سعر اعادة بيعها اتحسن جدا وبقت على عكس سيارات الرينو لانها انتشرت جدا

الصني وسائل الامان فيها اكتر من اللوجان 100 مرة

وبشكل عام العربيتين كويسين جدا والقرار قرارك وروح اتفرج على العربيتين وشوف انهي اللي يناسبك اكتر
ومبروك مقدما

رد: مقارنة بين رينو لوجان و صني
 

الصنى أوسع و اعادة بيع أحسن (بس الشكل الجديد اعادة بيعه أسوأ من القديم) ، عوامل الأمان فى الصنى أحسن من اللوجان ، الخامات الداخلية للصنى أفضل من اللوجان ، انتشار اللوجان أكتر حالياً عشان الصنى لسة جديدة ، التقفيل اللوجان أفضل نسبياً رغم انها مغربى لكن الصنى الجديدة تقفيل سئ جداً بجدارة (بالرغم من الأفضلية فى الخامات المستخدمة عموماً بس الفينيش وحش و العيوب أكتر زى صاجة التيل الخلفى و الدهان اللى بيقشر....الخ)، الصاج أحسن فى اللوجان ، الارتفاع عن الأرض أحسن فى اللوجان ، العفشة أحسن بكتيييييير فى اللوجان ، الشكل أذواق و الاتنين مش عاجبنى بصراحة بس ممكن أبلع الصنى أكتر شوية من اللوجان ، التوكيل الاتنين توكيلهم كويسين بشهادة ملاك العربيتين ، و أهم شئ الاستخارة و ربنا يكرمك باللى فيه الخير ليك ان شاء الله...