سؤال الى اهل الخبرة
 

دلوقتى انا معايا نيواكسنت 2010 وعايز اغير واركب يابانى وبحب لانسر جدا (البوما ) وفى ناس عماله تقولى كفاية على لانسر كده دى بقالها 10 سنين فكر فى النيسان الجديدة شكل جديد تكنولوجيا جديدة
انا محتار جدا جدا جدا ومش عارف اخد قرار ارجو من السادة الاعضاء ابداء الراي ولو هجيب اجيب وكيل ولاخليجي


ملحوظة : ولدى معاها لانسر 2009 هاف اسبورت

رد: سؤال الى اهل الخبرة
 

يا جماعه 33 مشاهده ومافيش رد

رد: سؤال الى اهل الخبرة
 

بص انا لسه جايب لانسر بومة 2013 عربية جميلة جدا عيبها الوحيد انها فقيرة في الاوبشنز (كان نفسي اوي في طارة مالتي فانكشن بس مفيش نصيب ) العربية دي حلاوة صفقة رابحة 100 % ليه بقا

اولا قطع غيارها في كل حته وببلاش وعربية محترمة جدا قليلة الاعطال يعني مش هتتعبك خالص واهم حاجة فيها اعادة البيع العربية دي بس قول انا عايز ابيع تلاقي 1000 واحد عايزين يشتروا في ساعتها

بالنسبة للصني الجديدة انا كان نفسي اجيبها بصراحة اكتر من اللانسر لكن العربية دي مشفتش حد مشتكاش منها

اولا صاجها ضعيف ورق بمعني الكلمة وبص كده عليها في الشارع هتلاقي فيها خبطات بشعة ودي حاجة مش كويسة
تاني حاجة في عيب في الفرامل والطنابير ومش عارفين يلاقولوا حل لغاية دلوقتي في التوكيل

اتكل على الله وهات لانسر بس لو لاقيتها لانها مش موجودة في السوق الجيش شاري كل اللانسر الجديد في السوق

رد: سؤال الى اهل الخبرة
 

في عيب كمان ناس اشتكت منه في الصني وهو ان العفشه ناشفه جدا
اللانسر عن تجربه حاجه تركبها وانت باشا وتنسي الدنيا
عربيه محترمه شكل وقوة وعربيه وتوفير بنزين وحاجه زي الفل بصراحه