مصر موتورز مجتمع السيارات - اعمل عمرة لنسخة الويندوز بتعاعتك في ثواني

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - اعمل عمرة لنسخة الويندوز بتعاعتك في ثواني (https://www.masrmotors.com/vb/showthread.php?t=114404)

اعمل عمرة لنسخة الويندوز بتعاعتك في ثواني

معظم نسخ الكمبيوتر بعد الشغل عليها لفترة معينة بتحس انها تقلت واصبح ادائها ابطئ من الاول لذا هنستخدم الاوامر دي علشان نعمل عمرة سريعه لنسخة الويندوز يعني بالبلدي كدة نحذف كل المخلفات الناتجة عن الشغل الي بتقل النسخه
من قائمة ابدا اكتب في Run
1- %temp%
الامر ده هيطلعلك ملف مليان ظلل واحذف كل ما فيه بالضغط علي SHift +delete علشان الملفات متروحش في سله المحذوفات وتبقي لسه قاعده في النسخة برضة
2- Recent
وده بيحتوي علي كل الملفات الي شغلتها علي النسخه من ساعة منزلتها عبارة عن اختصار لكل نشاطك علي الكمبيوتر ومن هنا ممكن تراقب جهاز الاطفال او الكبار وتشوف كل حاجة اشتغلت علي الكمبيوتر من ساعة ما النسخه نزلت المهم ظلل كل الي موجود واحذف بالطريقة السابقة
3- temp
وده بيحتوي علي الملفات المؤقته الي بيعملها الجهاز علشان يشغل حاجة معينة وبعد ما يشغلها او يحملها بتبقي الملفات دي ملهاش لزوم لذلك ظلل واحذف
بعد ما عملنا كدة هتلاحظ ان اداء الاجهاز بيسرع لانك حذفت حمل كان موجود علي النسخه بدون فائدة ويمكن تكرر الاوامر دي كل شهر او شهرين علشان تخفف عن النسخه
منتظر الرد واي استفسار عن اي حاجه اخري

رد: اعمل عمرة لنسخة الويندوز بتعاعتك في ثواني

فين مكان Run فى الوندوز 7

رد: اعمل عمرة لنسخة الويندوز بتعاعتك في ثواني

أ/ عصام .. إضغط على مفتاح علامة الويندوز اللى بيبقى بين ALT و CTRL مع مفتاح حرف الـ R
يعنى مفتاح الويندوز + R

رد: اعمل عمرة لنسخة الويندوز بتعاعتك في ثواني

نصائح ممتازة .. جزاك الله خيرا

أنا عن نفسى لما ألاقى الجهاز بدأ يتقل
بأروح جايب أسطوانة الجوست مع ملف الويندوز بتاعى و أسطب أحلى نسخه ويندوز جديده لانج فى 3 دقائق و بالبرامج و الإعدادات و التعريفات و كل الحاجات.

رد: اعمل عمرة لنسخة الويندوز بتعاعتك في ثواني

موضوع جميل
:06A7D5~132::06A7D5~132:: 06A7D5~132: