حماية عدادات الغاز المنزلية
 

حضر الى منزلنا بالأمس أثناء غيابى شخص وأفاد بأنه مندوب شركة "فاسكو للحماية" وأنه مكلف من شركة الغاز الطبيعى بتركيب غطاء لعداد الغاز لحمايته من الأبخرة والزيوت والدهون المتواجدة بأى مطبخ وبالفعل قام بتركيب كيس بلاستيك حول عداد الغاز وتقاضى مقابل ذلك مبلغ 22.5 جنيها نعم اثنان وعشرون جنيها ونصف جنيه بالتمام والكمال ثمنا لكيس بلاستيك لا تزيد تكلفته عن جنيهين على أقصى تقدير ويمكن استخدام أى كيس بلاستيك مما نستعمله يوميا فى الأغراض المختلفة بدلا منه. وعندما حضرت فى المساء وعلمت بالأمر ثارت فى نفسى الشكوك فاستدعيت البواب واستفسرت منه فأفاد بأنه لا يعلم عنه شيئا وأن كل ما عمله أنه اصطحبه من شقة لأخرى لحماية أصحاب الشقة فى حالة حدوث أى اعتداء . ومنهم من وافق ومنهم من رفض ولكنه هددهم بأن شركة الغاز سوف تقوم بفرض غرامة تماثل ضعف هذه القيمة على من رفض.
السؤال الآن هل صادف أحد مثل هذا الموقف؟ هل هى طريقة جديدة للنصب؟ هل تعلم شركة الغاز شيئا عن هذا الموضوع؟ هل هناك اتفاق بين هذه الشركة وشركة الغاز للجباية بهذه الطريقة بدلا من رفع سعر الغاز؟ أسئلة كثيرة تبحث عن اجابة فهل من مجيب؟

رد: حماية عدادات الغاز المنزلية
 

لا لم يحدث معى

رد: حماية عدادات الغاز المنزلية
 

ده نصاب وبيخترعوا حاجات جديده مفيش الكلام ده

وشركه الغاز ما بتعملش حاجه غير بنفسها يعنى مابتوكل شركه حمايه ولا غيرها ممكن تاخد الرقم من على وصل الغاز وتتصل بيهم

رد: حماية عدادات الغاز المنزلية
 

موضوع مشابه حصل معايا لقيت اتنين واحد ماسك فى ايده دفتر تحصيل وواحد تانى شايل مكنه رش بلاستيك على ضهره وبيقولى احنا مندوبين من وزاره الصحه وبنرش الحمامات لان فيه ميكروب خطير مقابل مش فاكر 5 جنيه العيال شكلها مش ولا بد
قلتله ورينى ما يثبت طلع كرنيه من جيبه قلتله انتوا شكلكوا نصابين وبستغلوا طيبه الناس والولد بيقولى غرامه ومش غرامه دخلت الشقه وطلعت شاف انا ماسك ايه فى ايدى طيران يامعلم نزلت الشارع لقيتهم موزعين نفسهم على البيوت كانوا حوالى 15 الاول اترزع خبطه بقدره قادر اختفوا من المنطقه وكان معاهم ميكروباص ولقيت فعلا رشوا جاز لناس كتيره ولموا اللى فيه النصيب واكتشفنا انهم نصابين
وبردوا موضوع كوبون الكشف المجانى مقابل 20 جنيه واسماء دكاتره ونفس الموضوع
يظهر موضوع النصب شغال على على طول حسبى الله ونعم الوكيل

رد: حماية عدادات الغاز المنزلية
 

طرق جديدة للنصب والسرقة ربنا يعافينا
حسبى الله ونعم الوكيل