غرائب و طرائف فى سيارتى 128
 

كل الساده مالكى السياره 128 لابد انهم يعرفون هذه الغرائب .
هاقول بعضها لعل و عسى نجد من يفسر لنا ما نراه .
اولا ـ مؤشر عداد الحراره لا يتحرك الا اذا خبط عليه ، حتى اصبح من
اساسيات بداية تشغيل السياره الخبط على العداد . يعنى بقت عاده .
ثانيا ـ كشافات السياره الاماميه غير ثابته .اشتريت كشافات جديده و اشتريت
قواعد للكشافات جديده . كام كهربائى . كل ما يعملوه هو تشبيط فقط
حتى تخيللى ان مستحيلات الدنيا ذادت واحده و هى تثبيت كشافات ال 128
ثالثا ـ المرايه الجانبيه جهه اليمين . وهى مراية الشاهين . لا يمكن ظبطها
بحيث اثناء جلوسى ارى منا جيدا . مهما حاولت ظبطها حتى انى حينما
احاول ابص فيها لا بد ان اميل برأسى لتحت شويه . طبعا الحل انى اغيرها
و لكن قبل التغيير هل يوجد متخصص لهذا العمل .
ارجو ان لا اكون قد اطلت عليكم وحتى تعم الفائده على الجميع فعلى من
تعامل موقف مثل هذا او مشابه فى هذه السياره العجيبيه . و حل هذا الموقف . وتحياتى للجميع ...........

رد: غرائب و طرائف فى سيارتى 128
 

128 سياره الشعب الاولى وقبله المستجدين فى القياده لازم تلاقى اكتر من كده
هو فيه عربيه استحملت سواقه المبتدئين وجهل بعض الميكانيكه زى ال 28 ولسه شغااااااااااااله

رد: غرائب و طرائف فى سيارتى 128
 

عداد الحرارة عاوز يتفك ويتنضف من جوة
المرايا مهما حاولت تظبطها مش هاتنفع لان مش دى مرايتها
اما الكشافات فحضرتك طبعا اشتريت الكورى او الهندى واكيد بتعانى ان الكلبس البلاستيك مبوش والبنز بيفلت منة ودى ملهاش حل علمى لكن ممكن يتربط عليهم باى سلك رباط
ولو عاوز حل بس مكلف شوية
هات فوانيس الدبابة هتلاقيهم بيركبو عندك ونورهم اقوى

رد: غرائب و طرائف فى سيارتى 128
 

شكرا مستر أسترا . علم و ينفذ . ردودك و مواضيعك المنشوره توضح انك
جامد قوى فى ميكانيكا السياره وخصوصا ال 128 . تحياتى للجميع.........

رد: غرائب و طرائف فى سيارتى 128
 

عندى مشكلة . دلوقتى فى أيام الشتا دى العربية بتدور بالزق مع إنى غيرت (ابلاتين - كوندنسر - بوجيهات - بوبينه ) مع العلم إن البطارية جديدة ولسه فى الضمان . ايه الحل ؟