|
استشارة بخصوص المساعدين الخلفية للفليشيا
السلام علكيم ورحمة الله وبركاته الموضوع من فترة ركبت اتنين تققققال أوي ورا ومن ساعتها بحس بخبط فى المطبات والطرق المكسرة وبحس ان العربية بتهبط من ورا مع أقل تحميل وبتحك فى المطبات المهم رحت لواحد بتاع عفشة كويس قاللي عندك مساعد خفيف شوية والتاني كويس مش هنغير المساعدين بس هنركب حاجة للمساعد اسمها صدادة هيا دي اللى فيها المشكلة الصدادة وظيفتها أنا بتمنع العربية انها تهبط للاخر يعني تقف عند حد معين من الهبوط حتي لو زادت الحمولة وكمان قاللي نركب علايات ورا وهيبقي الموضوع كدة تمام الموضوع هيتكلف حوالي 300 جنية بالمصنعية مش عارف اصدق كلامة مع العلم ان واحد تاني كنت رحتله الاول قاللي هنغير المساعدين اللى ورا بطقم جديد مونرو ألماني سألت على ثمنة لقيته بـــــ 850 جنية دة غير المصنعية أرجو النصيحة ياتري اغير المساعدين واشتري دماغي ولا اعمل موضوع الصدادات والعلايات |
رد: استشارة بخصوص المساعدين الخلفية للفليشيا
علي فكرة من الطبيعي جدا ان العربيه تحك في المطبات اما تكون شايله حموله كامله يعني 5 اشخاص ...... انا بقول طالما انك بتحس بالمطبات فاعتقد انك تغير المساعدين احسن لان العلايات دي بتخلي العربيه تعوم علي السريع وده اختراع مصري فهلوه يعني
ولا يصح الا الصحيح روح لصنايعي كمان واذا قالك المساعدين خفاف توكل علي الله وغيرهم لان حل 300 جنيه ده مش عملي واحتمال انه ميحلش المشكلة اصلا وهترجع تاني تروح لصنايعيه وتصرف من جديد دا غير وجع القلب والزهق ده رايئ معرفش رايئ اخوانا ممكن يكون ايه |
| الساعة الآن 04:33 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017