|
خلينى واثق من نفسى ولا اسمع كلام مؤشر البنزين ؟
السلام عليكم
بصوا يا جماعه انا معايا جيب شيروكى اربعه سلندر 2500 سى سى مكنتش اعرف ولا افهم حاجه فى استهلاك البنزين ولا حتى اعرف معنى مصطلح صفيحه بنزين لانى مش بخرج بيها كتير هيا مره او اتنين فى الاسبوع و كنت كل اربع خروجات افولها للأخر مؤخرا عرفت ان عربيتى بتعمل من 180 ل 200 كيلوا فى الصفيحه وعرفت ان الصفيحه عباره عن 20 لتر بنزين وعربيتى بتاخد حوالى 65 لتر بنزين يعنى بتاع تلات صفايح يعنى المفروض ان لما أفول العربيه للأخر تمشينى 600 كيلو ! لو أفترضت انى بمشى فى زحمه وساعات بحرق على الغيار ولو افترضت ان عربيتى مش مظبوطه يبقى ممكن نقول ان التفويله تمشينى 400 كيلو على الاقل لما عرفت المعلومات دى انا فرحت وقررت انى بعد ما أفول العربيه للأخر بنزين هصفر العداد ومحطش بنزين بعد أقل من 400 كيلو حاليا انا مشيت حوالى 106 كيلو من بعد أخر تفويله بالأضافه انى بنزل أسخن العربيه مرتين او تلاته فى الاسبوع هيا واقفه لمده تتراوح من ربع ساعه لنص ساعه عشان البطاريه متنمش وحاليا لمبه البنزين منوره هوه المفروض ان العوامه او المؤشر غالبا فيه مشكله هل رأى حضراتكم ان انا كده فى السليم وأخلينى واثق من نفسى ومحطش بنزين بعد 400 كيلو على الأقل ؟ ولا معقول تكون العربيه أستهلكت 50 لتر مثلا فى 106 كيلو اعتقد مستحيل انا قررت انى مش هحط بنزين غير لما على الاقل عداد التصفير يكون جاب 400 كيلو وهحط معايا فى الشنطه جركن يكون اربعه لتر فيه بنزين عشان لو لقدر الله العربيه وقفت منى أقدر أنقذ الموقف بس برده يهمنى رأى حضراتكم هل انا كده تفكيرى صح وهيا العوامه اللى بايظه ومشغلش بالى بيها وهل حتى لو العربيه بايظه وانا بحرق مثلا فى الغيارات معقول توصل انى استهلك مثلا 40 او 50 لتر فى 106 كيلو ؟ أرجو الرد والأفاده |
رد: خلينى واثق من نفسى ولا اسمع كلام مؤشر البنزين ؟
بص يا باشا
تجنباً للمواقف المفاجئة و علشان تحافظ على رشاشات الإنجكشن, حاول متستناش لما التنك يبقى عالآخر و اللمبة بتاعة العداد تنور. ممكن حضرتك تفول و تشوف من المكنه إللى فى البنزينه أخذت كام لتر بنزين بالضبط و إقسم المسافه إللى أنت مشيتها من ساعة آخر تفويله (من ساعة تصفير العداد) على عدد ليترات البنزين إللى أنت فولتها. هتقدر تعرف الليتر يمشيك أد أيه. لو ضربت الناتج فى 20, تعرف الصفيحه تعمل كام كم بالضبط. مثال: لو أنت فولت دلوقتى 30 لتر, و مشيت 250 كم يبقى: 360 / 30 = 9 يعنى كل لتر يمشى 9 كم طيب الصفيحه: 9 * 20 (لتر) = 180 كم و عاوز أقولك حاجه: قياس أستهلاك البنزين داخل البلد (فى الزحام و المطبات و ....) غير دقيق خالص. أنا عملتها مرة 210 و مرة 160 و مرة 173 و ... رغم إن مشوارى روتينى جداً و لم يتغير. |
رد: خلينى واثق من نفسى ولا اسمع كلام مؤشر البنزين ؟
اقتباس:
وانا هعمل زى ما حضرتك قولت أأمن وسلم برده واتمنى العربيه متاخدش بنزين كتير ويكون ده عيب عوامه لان اعتقد حتى لو الطريق زحمه وانا مثلا بحرق عالغيارات معقول التانك بدل ما يمشينى 600 كيلو يمشينى 106 للدرجادى الزحمه بتفرق خايف يكون فى مشكله فى العربيه مع العلم انى بسخنها تلات ايام فى الاسبوع كل مره حوالى نص ساعه وبضغظ جامد عالبنزين مش عارف ممكن الحاجات دى كلها تعمل الفارق ده ! عالعموم هعمل زى ما حضرتك قولتلى وهشوف الفرق قد ايه واستهلكت قد ايه بالظبط |
| الساعة الآن 06:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017