مساعدة فى دورة التبريد فيرنا ونقص المياة ...؟
 

السلام عليكم ورحمة الله
من فترة كنت لاحظت نقص كبير جدا فى المية للقربة وكل اسبوع ازود المية رحت التوكيل كشفت طلع انى الخرطوم بينقط وفعلا بايظ وغيرت الخراطيم كلها الثلاثة ونظفت الريداتير
الحمد لله المية مبقتش تنقص وكل الوصلات تمام بس بعد حوالى 5 شهور كدة وانا بعمل فى 5 شهور من 5000 الى 7000 كيلو لقيت المية فى القربة بتنقص حوالى كوب شاى بالكتير واقل من كدة بس مفيش تسريب نهائى
شائت الاقدار انى اغير الريداتير اليومين دول بجديد من التوكيل السبب انى العمة البلاستيك باظت اللى على الريداتير من فوق بدون الدخول فى التفاصيل غيرتة
وبرضة الحمد لله مفيش تسريب بس كل 5 شهور برضة او 5000 الى 7000
بيحصل نقص بالكتير برضة كوب شاى واقل
دا سببة اية وهل غللط ولا عادى وانا بحرق بيها مش كتير فى العادى جدا

فى بس ملحوظة :القربة بتاعت المية بها غطاء الغطا دا تحتية كاوتشة تحكم الغطا وتقفل القربة الكاوتشة دى بايظة شوية ومفقعة وساعات بتنزل مية بسيط منها جدا مش توصل لنقص لكوباية اللى بينقصها المية فى الخمس شهور
دا كل حاجة عن المشكلة ولسة كاشف عليها من اسبوع مفيش تسريب من اى خرطوم او الريداتير الحمد لله
افيدونى..........؟

رد: مساعدة فى دورة التبريد فيرنا ونقص المياة ...؟
 

ممكن تكون تلك الكاوتشة التى ذكرتها فى غطاء القربة
ممكن يوجد عدم إحكام بسيط لغطاء الرداتير
ممكن تكون الماسور الخلفية خلف الموتور والتى يخرج منها 2 كاوتش والموجود ليس كسر او شرخ ولكن مجرد تنميل بسيط بيهرب المياه على المدى البعيد بالاضافة للحرق

رد: مساعدة فى دورة التبريد فيرنا ونقص المياة ...؟
 

حضرتك لو تقصد بالماسورة اللى خارج منها 2 خرطوم اللى هى اسمها كوعة الثرموثتات
دى اتغيرت مع الخراطيم بالكامل ماعدا الثرموثتات لم تتغير

هو غطا الريداتير مش بيجى مع الريداتير انا التوكيل قالى لاة مش بيجى معاة بس انا شايف انة كويس انا ممكن اغيرة بس معرفش معلومات عنة --قوة ضغطة كام بار وحاجات زى كدة
بالنسبة للقربة دى اللى انا شاكك فيها بس مش معقول كام نقطة بينزلوا منها تنقص كوب على المدى 5 شهور

رد: مساعدة فى دورة التبريد فيرنا ونقص المياة ...؟
 

طبعا هى المتهم الاول ( الكاوتشة ) و كويس جدا انها على قد كباية شاى
لازم تغيرها