مصر موتورز مجتمع السيارات - سؤال بخصوص كيفية علاج رقعة في الكبوت (البوية مقشرة)

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

سؤال بخصوص كيفية علاج رقعة في الكبوت (البوية مقشرة)

السلام عليكم،،

معايا عربية كورولا 2010، الكبوت دهان فبريكة وحالة الدهان ممتازة، ولكن من فترة وقعت حصوة عليه تقريبًا وأنا ماشي على الطريق السريع فعملت نقرة صغيرة مقشرة فيه حوالي سنتيمتر مربع، المشكلة إني كل ما بغسل العربية الحتة المقشرة بتوسع، تقريبًا العامل بيفتكرها وساخة بعد ما بيرش الرغوة وبيوسعها وهو بيدعك، المهم دلوقتي الرقعة دي زادت بقت حوالي 4 سنتيمتر مربع وشكل الكبوت وحش لأن الصاج باين مكان الرقعة، والرقعة قابلة للزيادة والتقشير أكتر، وأنا مش عارف أعمل ايه؟

هل ينفع تتصنفر كويش وتترم؟ ولا لازم أرش الكبوت كله، أنا محتار، خسارة أضحي بدهان الفبريكة في الكبوت لو رشيته كله.

وعلى علم إن النقرة لما كانت صغيرة في حد قال لي سيبها كده هي مش هتزيد، وطبعًا زادت.

رد: سؤال بخصوص كيفية علاج رقعة في الكبوت (البوية مقشرة)

فى حاجه اسمها معجون فيلر ممكن تعمل مرمه على قد التقشير وترش بس هتكون باينه شويه وطبعا لازم تلاغى بتاع البويه شويه لانه هيعمل فيها ابو العريف ويعمل عليك شغل

رد: سؤال بخصوص كيفية علاج رقعة في الكبوت (البوية مقشرة)

حضرتك هاتتعمل على قد الحتة المقشرة وبعدين لازم يرش الكابوت كلة ورنيش

رد: سؤال بخصوص كيفية علاج رقعة في الكبوت (البوية مقشرة)

عزيزى فى صنعيه محترفيين جدا فى المهمه دى واهم حاجه اللون هو الأساس فى المهمه وتكلفتها عاديه لاتزيد عن 100ج