بفكر في برافو وعايز مساعدة رجالة فيات :)
 

سلام عليكم ...
ازيكو يا شباب
بداية أنا عايز أشكركم على المنتدى الرائع وقسم فيات اللي بجد فيه مواضيع هايلة و بتفاصيل دقيقة جدا عن كل حاجه في العربية
علشان مطولش عليكو .. انا معايا بومة 1.6 موديل 2006 كنت جايبها زيرو و كنت عايز أغيرها و فكرت في البرافو وكانت عاجباني جدا بس كنت مقلق من سعر اعاده بيعها بصراحه ، بس دلوقتي معروض عليا برافو 2010 مستعمله مانيوال هاي لاين 150 حصان ماشيه 70 ألف كيلو فابريكة لونها أسود والعربيه واكله دماغي بصراحه
لما قرأت مواضيع برافو اللي في المنتدى هنا لقيت ان كلو بيقول ان الـ 150 حصان مبقتش بتنزل من 2008 .. ازاي دي 150 حصان ولا الراجل بيشتغلني ! ، وازاي اقدر افرق بين ال 120 و ال 150 و ال 140 ... ده اول سؤال
تاني استفسار .. السعر ، المواصفات دي يكون سعرها كام تقريبا ؟
تالت سؤال معلش .. أنا من دمياط وشغلي في أكتوبر يعني بسافر بالعربيه أسبوعيا مرتين .. انا سمعت ان البرافو عمرها الافتراضي قليل علشان التيربو هل ده صحيح ؟ وقطع غيارها نظامها ايه ؟ ومراكز الصيانه فين ؟

شكرا وآسف عالاطاله :)

رد: بفكر في برافو وعايز مساعدة رجالة فيات :)
 

أخوك فياتاوى قديم
ومش مقتنع بأى فيات نزلت بعد 98 وخصوصا لما دخلوا فى الإنجيكشن عشان كمان قلة اللى بيشتغلوا فيها لكن عموما البرافو والجيل بتاعها اثبتوا نفسهم الفترة اللى فاتت
هتعانى طبعا فى إعادة البيع سعر التربو غالى جدا ، هو حجمه صغير مي هيفوت الموتور بسرعة لكن مغرية للجرى وبالتالى عمرها هيبقى قصير معاك
بالنسبة للمكنة اللى من 2008 مكانتش بتنزل يمكن العربية اللى قدامك دى خليجى او ممكن تكون مغيرة موتور 90% من مواتير الفيات الجديدة تكلفة عمرتها أضعاف اضعاف المكن الإستيراد يعنى تنزل بورسعيد تسقط مكنة وترجع بيها زى الفل :thnkr:
الكلام ده من بق ميكانيكى الفاروميو وفيات :thnkr:
2010 هاى لاين هيتكلم فى 90 ألف طيب مالها اللانسر عربية زى الفل ويابانى وناعمه


اه نسيت أقولك على حاجة 90% من اللى راكبين البرافو والجراند بونتو ماقالوهاش

العربية دى ممكن تبقى ماشى على سرعة عادية وممثلا مطب ولاحاجة تلاقى البرابريز الأمامى شرخ (حصلت مع جارى وقاللى انه عيب شائع في البراافو والبونتو:GROWIN~12:) ، لسه برضو عاوز تشتريها ؟؟!!!!
كانت قدامى فى السوق قبل كده بيدللوا عليها ومش لاقيين حد يشتريها
نصيحة إبعد عنها

رد: بفكر في برافو وعايز مساعدة رجالة فيات :)
 

يا استاذ بريبيز ايه الى يتشرخ من مطب بس ازاى يعنى بالعقل و مين الى بيدلل على الفيات ؟؟؟
انا لسه شارى جراند بونتو زيزرو العربيه ما شاء الله عليها و لا تقلى لانسر و لا بتاع

رد: بفكر في برافو وعايز مساعدة رجالة فيات :)
 

أولاً أنا على حد علمي إن المواتير التربو t-jet إلي بتنزل مصر سواء للبرافا أو للبونتو إلي ببابين بيبقو 120 حصان مش 150 .
فعلاً هي عربية جميلة أوي مع بعض المأخذ زي سعر إعادة البيع. بلنسبة لحوار التربو ف المواتير دي عادية جداً المهم بس تواظب على صيانتها ومتتعبش الموتور وتحمل عليه أوي يعني خد نقلتك على 2.5 أو 3 rpm وعلى الأقل مرة كل شوية كدا إفتح بيه على طريق سريع.
فالمجمل عربية تحفة بس المهم انك تلاقي حد بيفهم فيها وحد تاني تجيب من عند قطع غيرها من برا التوكيل ونصيحة مني دور على عربية عاملة كيلومترات أقل شوية من كدا.
أسف عل إطالة واتمنى أكون افادت حضرتك

رد: بفكر في برافو وعايز مساعدة رجالة فيات :)
 

البرافو معايا بقالها سنتين عامل بيها 50 الف تقريبا فيات برافو 120 حصان تى جيت.
عن تجربة السيارة رائعة جدا, و مستواها أعلى كثيرا من السيارات اليابانية و الكورية فى نفس سعرها, لا يناطحها تقريبا سوى بعض السيارات الاوروبية مثل الفولكس جولف, و السيات ليون, و الجيتا و البيجو 308, و ان كانت البرافو أمتع فى القيادة و لها نفس رياضى جميل.
باختصار السيارة ممتعة فى القيادة المحرك عصبى و متجاوب دائما, متينة للغاية و اعتمادية, و ثابتة على كل الطرقات, و تقدم مستوى من الاداء اعلى بكثير من فئتها.
عيوبها معظمها تتمحور حول نظام الBlue & me المربك (للربط مع الموبايل بواسطة البلوتوث, و تشغيل الاغانى من الفلاشة و الموبايل) يعمل جيدا لكن مستواه أقل من الانظمة المماثلة.
ال150 حصان موجودة فى مصر لكنها اوقف انتاجها فى 2009 على ما أذكر, عموما ال150 حصان هتلاقيها بفتيس مانيوال عادى 6 نقلات.
قطع الغيار متوفرة فى التوكيل بأسعار متوسطة (فى مستوى معظم السيارات الاوروبية), التوكيل جيد لكنه مزدحم, لذا نصيحتى الذهاب الى المراكز المعتمدة مثل مركز الاقصى فى زهراء المعادى.
للاستزادة ده تقييم للسيارة أرجو ان يفيدك.

http://masrmotors.com/vb/showthread.php?t=64160