|
احسن حاجة في فئة ال١٠٠ الف
السلام عليكم و رحمة الله و بركاته
زي ما العنوان بيقول انا ناوي اشتري حاجة في فئة ١٠٠ و ممكن لحد ١٢٠ بس تكون تستاهل بجد ، اول حاجة فكرت فيها البي ام ٥٢٥ e39 موديل ٩٩\٢٠٠٠ او اسبيرنزا تيجو او رينو داستر و لو حضراتكم تقترحو عليا حاجة احسن مفيش مشكلة ، الحاجت اللي تهمني في العربية كالتالي ١-سعر اعادة البيع اهم حاجة لاني غالبا هبيع بعد ٣-٤ سنين ٢-عربية تكون مريحة في تصليحها و قطع غيارها ٣- انا بحب المواتير الكبيرة بس مش اساسي ٤ التكييف لازم يكون محترم ٥- عالية الى حد ما علشان الجبال اللي مفهمينا انها مطبات وشكرا مقدما |
رد: احسن حاجة في فئة ال١٠٠ الف
هات سبيرانزا تيجو بـ115 الف عالية عن الارض وفيها وسائل امان زي الـABS و2 ايرباج |
رد: احسن حاجة في فئة ال١٠٠ الف
الداستر جميله بس هى مانويل انا سئلت على سعرها قالى العاديه بى 140 والفور باى فور بى 150
وشوف الاوبترا سعر اعاده بيعها كويس وعاليه وقطع غيارها متوفره |
رد: احسن حاجة في فئة ال١٠٠ الف
بص يا فندم اشترى 128 حتى بس ابعد عن التيجو والصينى عموما
وبلاش تشترى بـ 120 الف عربية مستعملة الجديد جديد عندك كيا كارينز عربية اعتمادية وقوية على الطرق السريعة رينوداتسر جميلة وقوية وتستاهل تمنها ننزل على السيدان عندك سيراتو الجديدة محدش شافها الا وقال عليها bmw خطيرة جدا انا بتكلم على موديل 2013 اللى لسة نازل عندك النترا عندك اكسنت اربى سترونيك قمة فى الراحة عندك تويوتا كرولا الشكل القديم عندك شيفرولية كروز قمة فى الثبات عندك حاجات كتير بس دول من 100 الى 150 الف صدقنى ابعد عن المستعمل والصينى طبعا انا هتهاجم من ملاكى الصينى بس صدقونى مشاكلها كتير مع صحابى وزيرو ومع احترامى ليكم كلكم |
رد: احسن حاجة في فئة ال١٠٠ الف
هو الاستاذ عنده حق بس مش معنى ان التيجو صيني تبقى مش كويسة لأ هي كويسة بس ميزانية الأستاذ اللي طالب المساعدة متسمحش انه يجيب كارينز او كروز وبالنسبة للاوبترا قوية وعملية بس مافيهاش وسائل امان زي الـABS او الايرباج عشان كدا انا دليته على التيجو
هي اقرب حاجة لميزانية حضرتك دلوقتي الكروز او الداستر بس في زيادة حوالي 20 - 25 الف والقرار يعود لحضرتك |
| الساعة الآن 10:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017