جيلي اميجراند ام رينو سانديرو
 

السلام عليكم
ان شاء الله ناوي اشتري عربية جديدة ومحتار بين الجيلي اميجراند او الرينو سانديرو
الاتنين عجبيني جدا
المهم بالنسبة للرينو خايف من اسعار قطع الغيار لان كله بيشكي منها وانا يادوب هشتريها بالقسط
اما بالنسبة للجيلي جميلة جدا لكن معرفش اية ظروف قطع غيارها متوفرة ولا لا وكمان اسعارها اية بالاضافة انها لسة مكلتش سنة في مصر
وشكر لكم

رد: جيلي اميجراند ام رينو سانديرو
 

الأخ الفاضل أهلا بيك في المنتدي المحترم ربنا يبارك لك و يوسع لك الرزق. الرينو أفضل طبعا لأنها أوروبي و الايميجراند صينى يعني نقيضين لا يقارنوا و الرينو جديدة يعني ضمان و توكيل بيصون و مفيش مشكلة و الاسعار لقطع الغيار مع الوقت بتنزل و زي ما قلت الضمان مغطيك فلا تخاف

رد: جيلي اميجراند ام رينو سانديرو
 

شكرا جدا على الرد وبارك الله لك

رد: جيلي اميجراند ام رينو سانديرو
 

رد: جيلي اميجراند ام رينو سانديرو
 

كل الناس اللي اشترت الاميجراند بيشكرو فيها جامد اوي لكن زي ما انت خايف تجيب الرينو لان هي منتشرتش وبقالها سنة واحدة الاميجراند نفس الشئ مبقلهاش شهور وده سبب خلاني ااجل شوية شراء سيارة جديدة واديني ممشي حالي في المستعمل لحد ما اشوف الدنيا ماشية اززاي
كمان جشع الوكيل والحكومة اللي بتقدمنا ليهم ياكلو في لحمنا زي ما هو عايز سادد نفسي اني اجيب جديد