تكرار سيناريو فرامل الفيرنا والحل يا رجالة !!!
 

دلوقتي اولا باركولي عالفيرنا الجديدة بتاعتي ( مو 2009 مانيوال 1600 نبيتي راشة حزام بس ماشية 82 وخلصت على 52.5 ج )
ايه رأيكم ؟؟

ثانيا كام ملاحظة عايز رأيكم ومش محتاج طبعا ثقة في انكم هتدلوني عالصح كالعادة

طبعا ماشاء الله العربية سحبها روعة بعد تجربة شاهين طويييلة وحبة اوكتافيا A5
لكن فراملها بقى سييييييئة جدا مقارنة بA5
انا عارف طبعا الفرق بس احساس وحش لما تتعود عال Abs وترجع للزحف تاني
المهم هيا فرملة كويس عالسرعات البطيئة لكن المشكلة في زحف قدام وورا مبحسش العجلتين فيهم فرامل توك توك حتى
مبيمسكوش نهائي مع العلم ان فرامل اليد مش وحشة يعني
انا عاوز حل بسيط مش مكلف لان انا اعرف ان الحل هو تغير الطنابير بديسكات بس مفيش ميزانية تماما
هل في حل مثل زي تغيير بلف الفرامل اللي بيوصل مواسير الزيت مع خراطيم الماستر لكل عجلة زي اللي في الموضوع ده http://masrmotors.com/vb/showthread.php?t=99055
؟؟؟

هل حد مجرب حل كويس يظبط اللي ورا بس عشان يتساوو مع اللي قدام ؟؟؟
مع العلم ان نوع الكاوتش Maxxis Surpasa MA V1 195/50/15 82V

ثالثا ملاحظة ان التكييف بيخلي العربية تكركر شوية لو طالع من مطب مثلا عالتاني
هل طبيعي ؟؟

رابعا البور بتاع العربية انا حاسس انه خشن يعني جربت النوبيرا وكانت ناااااعمة قوي اوي وبعدا الاوكتافيا وبعدها اللانسر بومة بس الفيرنا اخشن منهم كلهم
هل برضو طبيعي ؟؟؟

معلش طولت عليكم
مستني ردودكم ان شاء الله

رد: تكرار سيناريو فرامل الفيرنا والحل يا رجالة !!!
 

كل اللى انت سالت عليه ده طبيعى فى الفيرنا ..

بالنسبه للفرامل .. للاسف فعلا فرامل الفيرنا كده لان العربيه خفيفه .. طبعا مينفعش خالص تقارن فرامل الاوكتافيا "الشعره" بالفيرنا او الكورى عموما .. معروف عن فرامل الكورى انها ضعيفه كده ..

بالنسبه للتعديل معنديش فكره بصراحه .. لان الفرامل بتكلبش يعنى مش ضعيفه .. .. انت لازم تحاول تتكيف معاها لان العربية خفيفة وبتزحف بسهوله فلو حسيت انها بتزحف معاك شيل رجلك ودوس تانى ..
ولو الكاوتش حالته سيئة هيسهل موضوع الزحف معاك ..

رد: تكرار سيناريو فرامل الفيرنا والحل يا رجالة !!!
 

هو طبعا انا مش بقارن لكن بس بوضح ان الفرق من دي لدي ضايقني
بس انا نفسي الفرامل اللي ورا تبقى زي اللي قدام
يعني لو الاربع عجلات يزحفو مهما كان نوع او حالة الكاوتش هيتحسن الاداء بفرق كبير
لكن ازاي بقى اعمل كده ؟؟
ياريت حد مجرب اي طريقة يقول

رد: تكرار سيناريو فرامل الفيرنا والحل يا رجالة !!!
 

اولا موضوع التكييف دا طبيعى جدا اما بالنسبة للفرامل فمتحاولش تعدل فيها هى بتتلكك اصلا لانى واحد صديقى عمل تعديل على الخراطيم والطنابير وشوية حوارات كدة خلت العجل قفش ومش راضى بتحرك من مكانة واضطر يجيب جنبين استيراد كامليين
الطبيعى انك تتعود عليها واعرف امتى بتفرمل بعربيتك وهتلاقى الدنيا تمام:Bravo:

رد: تكرار سيناريو فرامل الفيرنا والحل يا رجالة !!!
 

ياساتر
جنبين كاملين عشان عدل الفرامل ؟؟؟
طيب وحضرتك شايف ان الكاوتش كويس ؟؟
انا كنت معتقد انه عشان جنط 15 هتكون الفرامل حلوة
امال الجنط ال13 مع الكاوتش الاصلي بتاعها عامل ازاي مع الفرامل لما ال15 عامل فيا كده