بتلتزم بالإشارات يمين وشمال وانت ماشي ولا لأ ؟
 

هنا في (الدوخة) المرور إصلاح وتهذيب !!!!!!!!!!!!!!! يعني فعلا حاجه فوق الوصف التزام ما بعده التزم ممنوع الانتقال من حاره لحاره إلا للضرورة وبإشارة حزامك وحزام اللي جنبك العربية في الفحص لتجديد الرخصة ما بتعديش لو فيها خدش أو لمبة مش شغاله حاجات كثير جدا جدا بس بصراحه الالتزام حلو أي نعم نا اخنقت أول ما جيت هنا من شناعه القانون وقوته وغلو المخالفات (كسر الإشارة ب 6000 ريال يعني 9000 جنيه ) بس بصراحه الالتزام حلو

في مصر بصراحه عمري ما اديت إشارة لا يمين ولا شمال لكن هنا الوضع اختلف تماما
إنتوا بقه بتستعملوا الإشارات يمين وشمال ولا لأ ؟؟؟؟؟؟؟؟؟؟

رد: بتلتزم بالإشارات يمين وشمال وانت ماشي ولا لأ ؟
 

:D

انت شكلك نسيت القاعدة رقم 3
القاعدة الثالثة :
>>الإشارات تكشف نواياك للأعداء، أياك أن تستخدمها !

رد: بتلتزم بالإشارات يمين وشمال وانت ماشي ولا لأ ؟
 

طب والله ومن كل قلبي أنا بتمنى أن قواعد المرور في مصر تبقى بالشكل ده
لاننا شعب لا يلتزم إلا بقانون رادع

أنا دايما باستخدم الأشارات في كل تحركاتي وبحس أني في خطر لو ماستخدمتهاش

إذا كان ياراجل الواحد بيستخدمها وبيتخبط ما بلاك بقى لو ماستخدمتهاش ؟:k_crying77[1]:

رد: بتلتزم بالإشارات يمين وشمال وانت ماشي ولا لأ ؟
 

بصراحة تقدر تقول اني ألتزم باستخدام الاشارات في 70 % من الحالات .
لكن كثيرا ما تضطر الى الانحراف فجأة مما يصعب معه الستخدام الاشارة فالقيادة في القاهرة أشبه بلعب الأكروبات في سيرك .

رد: بتلتزم بالإشارات يمين وشمال وانت ماشي ولا لأ ؟
 

من 70 الي 80 % بالتزم
بصراحة أحيانا بازهق من كتر السلبيات و الاقي نفسي زي اللي بانقدهم
ربنا يصلح حالنا جميعا