مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - طقوسك ايه؟؟؟ (https://www.masrmotors.com/vb/showthread.php?t=113032)

طقوسك ايه؟؟؟

ايه اللى انتا بتحب تعمله كل يوم الصبح قبل ما تطلع بالعربية
قلولنا عشان لو فيه حاجة للسلامة نكون استفدنا منها كلنا

ولو حاجة روحانية او مزاجية تبقى حاجة ظريفة

رد: طقوسك ايه؟؟؟

عادى ..

انا لو نازل الصبح ومزاجى رايق ومش مستعجل .. انزل ادور واسيب العربية تسخن شويه وفى الفتره دى ممكن اختار سيديهايه حلوه واشغلها واو انزل اطوق العربية بالفوطه ع الماشى كده او ارازى فى البواب واخليه يطوقها لو هو طنشها ..

لكن مفيش طقوس معينه يعنى ...

رد: طقوسك ايه؟؟؟

بص يا باشا
أنا هقول إللى المفروض إننا نعمله بس أحياناً بنكسل أو نطنش أو نكون متأخرين الصبح و مستعجلين.
أول ما تخرج من البيت الصبح, متأخر كالعاده, إحمد ربنا إن العربيه لسه ما أتسرقتش, طبعاً نعمة كبيرة محدش حاسس بيها.
أتأكد من حالة الكاوتشات, و لو حاجه مريحه أوى أنفخها بالمنفاخ (لو معاك واحد) أو شمّر دراعاتك و خش عالإستبن.
أفتح الكبوت و بص على زيت الموتور و الفرامل و مستوى المياه فى القربه و نظرة سريعه على البطاريه.
أتوكل على الله , و سمى و أدور و شد الشفاط شويه, و أمسك الفوطه و لمّع المرايات و الإزاز و ....
قبل ما تطلع بيها, متنساش دعاء الركوب: سبحان الذى سخر لنا هذا و ما كنا له مقرنين و إنا إلى ربنا لمنقلبون.
و مش هتلاقى حاجه تسمعها الصبح أحسن من كلام الله, شغّل قرءان.
لو طريقك طويل للشغل , ممكن تفتح الراديو تشوف أخبار الدنيا إيه.

ربنا يستر طريقنا و يسلمنا من كل سوء

رد: طقوسك ايه؟؟؟

لما أصحى من نومى بدرى ( كالعاده 4 ص ) و أكون زهقان من الكومبيوتر أنزل اغسل العربيه غسله سريعه و اطمن على زيت و ميه و كاوتشات انا معظم مشاويرى قصيره جدا ( من 2 إلى 4 كيلو ) أما لو عندى مشوار طويل لازم أطمن فيه في شنطه العربيه 2 جركن مياه على الأقل و أحيانا جركن 10 لتر بنزين و المنفاخ الكهربائى موجود و فيوزات و اطمن شاحن الموبايل موجود و اركبه في الولاعه و أركب الموبايل في الحامل و اشغل الجى بى إس عليه ( موبايل نوكيا إن 8 ) و احاول اشوف المكان إللى أنا رايحه عليه لو مش متخزن احاول اظبطه و سماعه البلوتوث و أشغلها و اعلقها في ودنى و أركب العربيه و ألبس حزام الأمان ( لازم لازم لازم ) و بعد كده أشغل موسيقى من فلاشتى 8 جيجا أغانى عربى على اجنبى حديث على قديم ( بس بصراحه عن تجربه الأغانى القديمه الهاديه هى الأنسب في الزحمه و المشاوير البعيده لأنها بتخليك هادى )
و يارب التوفيق و السلامه للجميع
:coptic_Thutmosis1S: