العربية ما بتدورش
 

السلام عليكم
انا عندى هيونداى ماتركس وامبارح رحت بيها الشغل عادى ورجعت الساعة 3 العصر وكل حاجة تمام مفيش اى اعطال..
المهم نزلت السعاة 9 بالليب كده وادور فى العربية مش راضية تدور حاولت كذا مرة ومفيش فايدة .
ظهرت لمبة check والزيت والبطارية . واللمبة بتاعت فرامل اليد بتطفى بس بتبقى ظاهرة بسيط برضة
عملت فحص لكل حاجة الزيت والمياة وزيت الفتيس والبور.
طبعا بعد المحاولات العديدة للدوارة البطارية ضعفت.
المهم ان الصبح كان كل حاجة طبيعية جدا مفيش مشكلة البطارية تمام والفرامل وكله
بس فيه هنا ملحوظة انا حاسس ان دواسة الفرامل بقت تقيلة مش عارف لية ,
وانا كنت ناوى اغير البطارية يا ترى ايه افضل نوع بطارية والسعر كام؟
يا ريت اى حد يفيدنا يا جماعة وبارك الله فيكم

رد: العربية ما بتدورش
 

بص انا كان عندي نفس المشكله غيرت البطاريه المشكله متحلتش واحد ابن حلال قالى غير بوجيهات وغيرتها والحمد لله العربيه بتدور من اول او تاني مره وربنا يوفقك
:286::286::286::286::286: :286::286::286:

رد: العربية ما بتدورش
 

دلوقتى المشكلة بقت 100 مشكلة
ابن الحلال واحنا بنوصل بطارية من بره قلب الكهرباء
الازاز بقى ما بيقفلش والانذار بتاع الباب لما يكون مفتوح مش بيشتغل ولا بيظهر ع الشاشة . ظهر عطل abs والريمموت مش شغال لافنح ولا قفل وربنا يستر بقة على انا ما اعرفوش لسة ده بالضافة ان العربية لسم ما بتدورش
انا كان مالى ومال العربيات هو انا ناقص حرقة دم

رد: العربية ما بتدورش
 

متخنقش نفسك مفيش عضو اشتر عربيه ولازم يشوف منها ايام زفت استعين بالله وشوف صنايعي كويس وربنا يعينك

رد: العربية ما بتدورش
 

فى تحت علبة الفيوزات مفتاح دوس علية الكهربائية بيسموة مفتاح الجزرة دة بيفصل طرمبة البنزين لما بيحصل قفلة او قطة او عرسة بتدخل فى المتور من تحت حصلت معايا كتير ومتزعلش من الاعطال دى كلها بسيطة و ربنا معاك