مصر موتورز مجتمع السيارات - عاوز اشتري جالانت !! ممكن تفيدوني بالله عليكم

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - عاوز اشتري جالانت !! ممكن تفيدوني بالله عليكم (https://www.masrmotors.com/vb/showthread.php?t=112933)

عاوز اشتري جالانت !! ممكن تفيدوني بالله عليكم

السلام عليكم يا شباب
كل سنه وانتوا طيبين
الحقيقه زهقت من ال 128 ومن سواقتها ومن صوت مكنتها وصوت عفشتها مبقتش طايقها
العربيه شاريها من 5 شهور محطتش مفك فيها غير اني غيرت ديسك واسطوانه وخراطيم الفرامل والماستر وبوجيهات وطقم كهربه
وبصراحه مرمطها ال 5 شهور دول من قرص على المكنه ل اكل مطبات ونقر مشيت بيها تقريبا 30 الف كيلو او يمكن اكتر

دلوقتي هيا عاوزه 4 مساعدين وكاربراتير وطنابير امامي وعاوزه رفرفين وصدر امامي وركبتين وشويه كسور من ال 128 بتحبها ده غير ان الصاج اللي ورا الاسكاترا متني لجوه عاوز يطلع لبره من اثر خبطه ممكن نعوذ اسكاترا كمان واحتمال كبير جدا فتيس والمكنه خفيفه

يعني انا حاطط رينج 4 او 5 الاف وتتظبط
انا بقول اصرف عليها 1500 او 2000 والمها بقدر الاكمان وابيعها واجيب اي جالانت تكون بنت حلال موديل 80 او 81 تكون 1300 سي سي او 1600 سي سي

معلش طولت بس سؤالي بقااا
هيا الجالانت دي هيا عيون صفيه ولا دي حاجه تانيه ..
تاني حاجه : هل العربيه لو فبريكه جوا ومكنتها كشفت عليها وعلى عفشتها اتكل على الله ولا ممكن يضحك عليا فيها ؟؟
مع العلم اني في المنصوره ومش عارف قطع غيارها هتعمل معايا ايه ؟؟
وهل قطع غيارها غاليه ؟؟
والتكييف بتاعها بيبقى شغال حلو ؟
ياريت يا جماعه بعد اذنكم اي تفاصيل تساعدني في اني اعرف هل العربيه هتناسبني ولا لااء ؟؟
وهل العربيه بتستحمل الترزيع والسفر وكده ؟؟ مع العلم اني ان شاء الله مش هعمل معاها زي ما كنت بعمل مع ال 128 :D

رد: عاوز اشتري جالانت !! ممكن تفيدوني بالله عليكم

على فكره انا لو كنت لقيت اي مواضيع بتتكلم عن العربيه مكنتش هزعجكوا ب اسالتي دي :(
ياريت تفيدوني

رد: عاوز اشتري جالانت !! ممكن تفيدوني بالله عليكم

السلام عليكم
الى اعرفه ان الجالنت غير عيون صفيه
عيون صفيه هي لانسر
وعلى ما أعتقد ان الجالنت 2000 سي سي وقطع غيارها غير متوفره

http://www.mad4wheels.com/webpics/hi...t_003_8199.jpg
جالنت

http://www.yallasell.com/classifieds...o5xfzNqLIW.jpg
لانسر عيون صفيه
والله اعلى واعلم
والله المستعان

رد: عاوز اشتري جالانت !! ممكن تفيدوني بالله عليكم

معايا عربية متسوبيشى جالنت تقدر تشوف اعلانها على موقع مصر كار ----------و للامانة عربيات فوق الممتازة و اسعار قطع غيارها اقل من المتوسطة و متوفرة فى المنصورة -- بورسعيد--- الحرفيين القاهرةAHLNWSHALN

رد: عاوز اشتري جالانت !! ممكن تفيدوني بالله عليكم

الجالانت تمانينات كويسة جدا لكن اهم حاجة الحالة ثم الحالة ثم الحالة قبل كدا جبنا واحدة موديل 82 وطلعت عينينا