أسوأ مركز خدمة فى تاريخ السيارات
 

يا جماعه بجد أنا حرمت أشترى سبيرانزا بعد ماكنت بحبها وشايف انها مناسبه جدا بالنسبه لسعرها

لكن واضح إن سبيرانزا هاتشهد إنهيار كامل خلال السنتين القادمتين خصوصا بعد وقف انتاج ال 516 وبدأ إنتاج إشتغاله جديده مما سيؤثر بالسلب على كل سيارات سبيرانزا

أنا كان معايا سبيرانزا لمدة سنتين وماشوفتش منها أى حاجه وحشه وبعتها والحمد لله

ورشحت العربيه دى لأخويا وقام بشراء سبيرانزا 516 موديل 2007 والعربيه معاه من سنه وكانت معقوله جدا ومشاكلها قليله لحد ماروحنا مركز الخدمه اللى مش هاقدر اقول اسمه عشان مايبقاش تشهير لإنى هاقول كلام كتير غلط

العربيه كانت رايحه شغاله لكنها تقريبا متلته أو فيها مشكله برجله أو ما الى ذلك

بعدها فتحوها وقالولنا العربيه كسره عامود كامه وطرمبة الزيت مش شغاله ووش السيلندر عايز يتغير وحاجات تانيه طبعا حسبولنا الموضوع طلع عايز حوالى 5 او 6 الاف على اقل تقدير

المشكله بقى ان العربيه كانت عندهم من اسبوعين وكان معمولها سرفيس كامل والمفروض انهم مشيكين على كل الكلام ده

المهم العربيه قعدت عندهم اسبوعين وفى خلال الوقت ده قررنا نعمل وش السليندر فى المخرطه وبشهادة كل الميكانيكية اللى شافو الوش طلع تمام وكل الميكانيكية قالو على الوش تمام وانه يركب وان مركز الخدمه كان غلطان من الاول لما كانت العربيه عندهم كانو المفروض يغيروا طرمبة الزيت وفلتر الزيت لكنهم ماعملوش كده

لما روحنا للتوكيل رفض يركب وش السلندر المخروط وقال لازم واحد جديد

قولنالهم ركبوه على ضمانتنا وبالفعل ركب واشتغل

وتخيلو طلبو كام ؟؟؟؟
1200 ج
مع اننا ماكلفناهمش حاجه غير المصنعيه لاننا عاملين الوش بره وجايبينلهم الطرمبه و عامود الكامه وكل الحاجات احنا اشتريناها من بره لعدم توافرها عندهم

واليوم فوجئنا بانهم حتى لم يقومو بتغيير الفلتر ولا الزيت يعني 1200 ج سرقه

نتيجة الكلام ومحصلته نصيحه اللى معاه العربيه مايروحش لمراكز الخدمه ويروح لاى ميكانيكي فاهم فيها

لانهم بيختارو أسوأ صنايعيه وفنيين ومهندسين عشان يقبلوا بالمرتبات بتاعتهم ونظام شغلهم لان اى مهندس أو فني أفضله يشتغل لوحده اللا الفنيين والمهندسين الفاشلين

رد: أسوأ مركز خدمة فى تاريخ السيارات
 

رد: أسوأ مركز خدمة فى تاريخ السيارات
 

رد: أسوأ مركز خدمة فى تاريخ السيارات
 

رد: أسوأ مركز خدمة فى تاريخ السيارات
 

+11111111111
العربيه ذنبها ايه
الواجب ياباش تقولنا علي اسم مركز الخدمه
علشان الكل يعرف
وياخد حذره وده مش تشهير
تجربه للاستفاده