مصر موتورز مجتمع السيارات - في جوان وش السلندر محتاج رأيكم

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - في جوان وش السلندر محتاج رأيكم (https://www.masrmotors.com/vb/showthread.php?t=112598)

في جوان وش السلندر محتاج رأيكم

اعزائي خبراء المنتدى
لاحظت فجأة تسريب زيت من جوان وش السلندر من الأمام ناحية مقدة المتور ومن ساعتها وانا مكتئب .. اخلص من حاجة الاقي حاجة .. الحمد لله .
الميكانيكي صعبان يفتح الموتور لانه لم يفتح من قبل وبيقول لو فتحنا الموتور حيضعف أكثر علشان كشط الكربون .. انا ناوي اعمل ضبط تاكيهات واغير البوجيهات وقاللي حاقرط على الجوان يمكن يمنع الزيت ولو ممنعش لازم نعمل على الاقل نصف عمرة او طقم شنبر طالما فتحنا .. اللي تحتاجه العربية يعني ..
والزيت حجمه مش كبير لحد دلوقتي .. هل اسيبه وازود زيت لو السيارة محتاجة اولا بأول أم ان في خطورة ؟
.. هو ينفع اغير جوان وخلاص وملعبش في العربية وللا لازم اخرط واكلف؟
دلوني أعمل ايه ربنا يكرمكم
السيارة شاهين 1996
جزاكم الله خيرا

رد: في جوان وش السلندر محتاج رأيكم

فى رايى تغسل الماتور و تتاكد الاول الزيت جاى منين .......... يمكن من جوان غطا التاكيهات و بينزل على مكان حز جوان الوش
التقريط على الوش ممكن يجيب نتيجة بس ميتعافاش لا يقطم مسمار
تابع الزيت و الميه
لو نقص الزيت مش ملحوظ و مفيش نفخ فى القربة و مفيش زيت مطحن و مفيش زيت على الميه و مفيش دخان ابيض
يبقى انا لو منك ااجل الفتح

رد: في جوان وش السلندر محتاج رأيكم

اقتباس:

المشاركة الأصلية كتبت بواسطة احمد على 1999 (المشاركة 877315)

مفيش حاجة من دول بس الزيت واضح انه مش من غطا التكيهات والزيت اصلا كان فوق العلامة وزي ما هو .. انا اروح بكرة اقرط عند الميكانيكي .. ايه رايكم ؟
شكر على الرد السريع:THUMBS~220:

رد: في جوان وش السلندر محتاج رأيكم

السلام عليكم
لو غير الجوان من غير ما يعمل حاجه في الصبابات مش هتحتاج شنبر ولا حاجه
لأن لو حكمت الكبس فوق هيكشف معاك من تحت عند الصبابات
والله المستعان

رد: في جوان وش السلندر محتاج رأيكم

معلش انا جديد في الموضوعات دي ومش فاهم اوي ردك الأخير :fun_36_3_11[1]:
الاسبوع الماضي قرط على غطا التكيهات وجابت معاه وبطل جوانها يجيب زيت اما الاسبوع ده العيب جاي من جوان البلوك
سامحنى على معلوماتي القليلة