|
العك في خراطة جلب بنزات ( كليبرات) الفرامل خلت عجل النوبيرا قفش
حد عنده حل للمشكلة التالية ؟
- العفشجي طلب انى أروح أخرط جلب الفرامل عن طريق ميكنيكي علشان بيعملوا صوت .. روحت للبيه الميكانيكي فكهم وبعتهم للبشمهندز الخراط ... رجعوا بعد نصف ساعة ركبهم وكله تمام يابيه. أطلع أجرب العربية الاقي العجل الأمامي قافش .. رجعتله فك تاني وبعت للخراط وروحت معاه ... لفهم على الماكينه شوية وقالى كده تمام .. رجعت للبيه الميكانيكي ركبهم طلعت أجرب لاقيتها قافشة بس أقل من الأول.. رجعت للبيه قالى هتفك لوحدها مع الماشي .. وبقالى 1000 كم دلوقتى ولسه زاى ما هيا المشكله أعراضها كالتالي: لما بضغط فرامل جامد بتقفش وبعدين تفك تاني لوحدها بعد فترة ما فيش حل للمشكله دى؟ |
رد: العك في خراطة جلب بنزات ( كليبرات) الفرامل خلت عجل النوبيرا قفش
للاسف مفيش حل غير تغيير الخزنة كلها وللعلم الفرامل بالذات هات الاصلى لانها روح العربية
|
رد: العك في خراطة جلب بنزات ( كليبرات) الفرامل خلت عجل النوبيرا قفش
يعنى مثلا تكون الجلب مايلة فالقرامل تقفش ؟
فى رايى تاخدهم لخراط تانى يتأكد من استقامة محاور الجلب لان كدا البنوز مش مرتاحة فى الجلب |
رد: العك في خراطة جلب بنزات ( كليبرات) الفرامل خلت عجل النوبيرا قفش
ممكن أحاول مع خراط تاني قبل التغيير ... بس دا معناه أنى أفقد الأمل في إمكانية ضبطها تلقائياً مع المشى؟!
|
رد: العك في خراطة جلب بنزات ( كليبرات) الفرامل خلت عجل النوبيرا قفش
اصل معنى انها تظبط لوحدها يعنى البنوز تاكل فى الجلب
و الله اعلم |
| الساعة الآن 09:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017