مصر موتورز مجتمع السيارات - الحمد لله غيرت المساعدين عند المهندس محمد رشاد

بسم الله والصلاة والسلام على سيد الخلق سيدنا محمد صلى الله علية وسلم
البداية ان العربية بدات ترزع من المساعدين وقبل كدة كنت ركبت مساعدين kyb ومكملوش ستة اشهر وضربوا وكنت شايل القديم للظروف ولما ضربت kyb قولت اركب القديم لان ساعتها العملية كانت على الحديدة ولما ربنا فرجها شوية قولت اجيب مساعدين بس عمرى ما هجيب kyb دى تانى ابدا سمعة على الفاضى وغالية ومبالغ فيها
المهم بفضل الاخوة الكرام فى المنتدى وخارجة نصحونى اجيب مونورو وفعلا سألت
توكيلهم فى شارع مراد وللاسف كانت خلصانة وبعتونى لفرعهم فى الخلفاوى وذهبت لهم وجبتهم من هناك بمبلغ 600 جنية وهنا بقى ابتدت المشكلة اروح لمين يركبهم وبعد تدوير فى المنتدى وصلت ان المهندس محمد رشاد ممتاز فى شغلة واخذت رقمة واتصلت بية وذهبت للورشة وبدأنا فى الشغل مباشرا وفك المساعدين القديمة وظهر لنا ان البطاحات مكسورة وبكل امانة هو خيرنى بالجديد وطبعا لما شوفت الكسر مترديتتش انى اركب بطاحات جديدة وركب المساعدين الجديدة وراجع على العفشة كلها وكان فى ملاحظات بس مكنش فى وقت واتفقت معاة على يوم اخر للذهاب هناك وطلعنا جربنا العربية بسم الله ماشاء الله ولا اى صوت فى العفشة تماما العربية اتغيرت 360 درجة بالفعل
وفعلا المهندس محمد رشاد انسان محترم جدا هو و كل الموجودين فى الورشة بارك الله له ولكل من يعمل بامانه