|
برافو مركز القطامية
كلمة شكر واااااااااجبة لكل العاملين فى القطامية من اول الاخ اللى على البوابة حتى مدير المركز....رغم المخاوف والكلام اللى قريته الا انى استخرت الله ونويت اعمل صيانة ال1000 هناك وفعلا حجزت واكدت الحجز كمان والميعاد كان النهاردة...الساعة 8 ونص كنت بصبح على الاخ اللى على البوابة وانا طبعا متاكد انى حااااااااجز...واذا فجاءة اسمى مش موجووود:shyy: ماعلينا قولت ياواد طنش خااااااالص المهم ربنا كرمنا ودخلت علشان مفيش زحمة وبصراحة عجبنى النظام والنظافة من اول ساعة الدخول وبعدين المهندس اخد كل الملاحيظ وكتب امر الشغل وانتظرت فى الاستراحة وشوفت الجميلة وهما بيشتغلوا فيها ويادوب ساعة ونص بالتمام واتصلوا بيا علشان ننزل نجرب والحمد لله كله تمااااااااااام وعضة الفتيس اتخفت كتير وبقا ناعم زى الفل والشنطة اتظبطت وبصراحة صوت الموتور اصبح اهدى بكتييييييييير....لذلك كلمة شكر اوجها لكل العاملين فى المركز...رغم انى كنت حاجز والله:Wkiss5:
|
رد: برافو مركز القطامية
الف الف مبروك الصيانة ... ويا رب تبقى راضى عن العربية دايما وتستمتع بيها ... وربنا يديك خيرها ويكفيك شرها *
وانا سعيد جدا ان الناس بدأت تشكر فى مركز القطامية ... وده اللى عايزينة منهم ... طالما العميل شكر يبقى اكيد فية تطور ملحوظ وربنا يوفقهم ودايما فى تطور إن شاء الله |
رد: برافو مركز القطامية
شكرا ليك على التقرير ويارب كل المراكز تحافظ على النظام والاحترافية فى التعامل مع العملاء
|
رد: برافو مركز القطامية
بصراحة اكتر حاجة اسعدتنى انى كنت رايح مركز الصيانة وانا حاطط ايدى على قلبى وعامل حساب ان اليوم كله ضايع بس الحمد لله فؤجئت بالنظام والنضافة ورغم انى كنت حجزت للصيانة والموظف نسى يحجز لى اساسا بس الحمد لله كل اللى كنت عاوزه اتعمل وفى وقت قياسى ....فشكرا مرة تانية
|
رد: برافو مركز القطامية
السخونه فى العربيه فاجأتنى اليوم فاوقفت العربيه الملاكى الاتوماتيك و عدادها 3300 كم لاعرف ما هو السبب و كانت المفاجئتين الاولى انا استلمت العربيه يوم 6 يناير و راجل عجوز لا استخدمها كثيرا و يمكن بقالها اسبوع لم اركبها لانى وحيد و اولادى بخارج البلاد ربنا يرجعهم بالسلامه المفاجأه الاولى لقيت غطاء الريدياتير غير راكب او غير ضاغط على الردياتير و اذكر اننى عندما اقوم بتغيير ردياتير بالعربيه القديمه و ليست الزيرو لا انظر الى المياه الا بعد مده واننى فى بداية استلامى للعربيه تابعت المياه و الزيت لمدة اسبوعين و عندما وجدتهم لا ينقصوا اطمانيت عليهم .....و حاولت تذكر اخر مره فتحت فيها كبوت العربيه فكانت منذ يناير الماضى طيب مين آخر واحد فتح كبوت العربيه للاسف تذكرت انه احد الصنايعيه داخل التوكيل منذ اكثر من شهر و الظاهر ان الصنايعى سلمنى العربيه و طبعا لن اتابع خلفه الصيانه فانا فى توكيل القطاميه مش معقول اراجع ورا التوكيل لذلك اطلب من الجميع بعد الذهاب الى التوكيل يجب على الجميع مراجعة المياه و الزيت لمدة يومين على الاقل بعد زيارة التوكيل فان الصنايعيه فى التوكيل زى بره لازم ينسى حاجه
المفاجأه الثانيه اننى عندما زودت المياه بعد تبريدها نظرت الى مقاس الزيت فوجدت ا مقاس الزيت ليس الاصلى لاننى عندما كنت اتابع الزيت فى البدايه لاحظت ان هناك علامتين للزيت على البارد و الساخن اما هذا المقاس فبه نقرتان لمقاس الزيت فقط مما يعنى انه من الممكن يكون خاص بعربيه لادا و ليس لعربيتى التى تابعتها فى الاول و استأمنت التوكيل عليها و جلست فى الاستراحه العليا و المتابع للصنايعيه المفروض انه من داخل التوكيل وهنا سوف انتظر يومان لاتابع نتيجة السخونه فى العربيه فانا اعرف انه ربما يكون هناك مشكله فى الريدياتير او فى جوان وش السلندر و عاوز اعرف هل لوحدث اى مكروه للعربيه فى الاحتمالين العاليين هل ينفذ الصنايعى باهماله http://masrmotors.com/vb/images/smil...FL_C%7E118.GIFام انا اتحمل الغلطه http://masrmotors.com/vb/images/smil...0104%7E242.gifام التامين الكامل حيث انها قسط :w6w2005041122053268 افيدونا يا زملاء على فكره العربيه بي واى دى اتوماتيك F3 |
| الساعة الآن 04:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017