رأيكم يارجالة مصر موتورز في الكام عربية دول ليا بس على ضمانتكم !!!
 

ازيكم يا شباب

دلوقتي انا معايا في حدود 65000 وممكن اوصلهم ل70000 الف جنيه (متقولوش لحد بقى :fun_Whispering:)
وعايز عربية يفضل ياباني بس اهم حاجة تكون تكييف ممتاز (صيف وشتا هيشتغل*((معلش انا مفتري حبتين :mad: ))*)
وتكون اوتوماتيك وطبعا على معرفتي البسيطة الاوتوماتيك يكون ياباني
ومهم اوي يكون قطع غيارها رخيصة عشان هتبقى لوسط البلد مش للسفر البعيد يعني
والخبطات طبعا والذي منه ولو رشة بره ياريت لان والدتي هتركبها كتير وربنا يستر
والمشكلة اني طالع من تجربة شاهين عشرة 19 سنة :Wkiss5:
فمش عايز فرق قطع الغيار يبقى كبيييييييييييييير اوي

انا الصراحة بسبب موضوع قطع الغيار ده فكرت في فيرنا موديل حديث حبتين بس برضو نفسي في اعلى شوية لكن لو نصحتوني بيها يبقى على خيرة الله
برضو بحب اوي الياريس وممكن الاكسنت القديمة بس طبعا بعد رأيكم هقرر

مستنيكم يا شباب ومتغيبوش عليا
سلامو عليكم

رد: رأيكم يارجالة مصر موتورز في الكام عربية دول ليا بس على ضمانتكم !!!
 

مفيش ياباني زيرو بالتمن دا
كله هيبقا مستعمل
لكن انا افضل انك تفكر في الالنترا 2005 قطع غيارها رخيصة ودايما بشوفها ماشية في الشارع و"ماسكة نفسها"
وممكن لو مصر على ياباني يبقا لانسر 2005
ومبروك مقدما

رد: رأيكم يارجالة مصر موتورز في الكام عربية دول ليا بس على ضمانتكم !!!
 

ممكن ياريس بس مش هتكون حاله ممتازه لو اوتوماتك انما ممكن مانوال تجيب حاجه معقوله
برده ممكن تبص علي اللانسر 1300 مانوال علي قد الفلوس اللي معاك