|
اسأله لاهل الخبره بس فى مواضيع عده الصوت
:سلام عليكم
انا اخوكم محمود من الجيزه انا الحج ربنا كرمه وجاب عربيه نوبيرا وساب ليا عربيته القديمه دايو لانوس وطبعا سايبها متبهدله المهم انا بظبط فيها وجينا للقسم بتاع السوند سيستم وطبعا بعد بحث كتيييير وسؤال عن اسعار التساجيل لقيت اسعار مبالغ فيها ومش حقيقيه وطبعا كلها من 2008 وده كان اجدد اسعار لقيتها المهم جينا لفقره الاسئله ايهما افضل تسجيل بايونير ولا كينوود وانا عايز حاجه كويسه مع يو اس بى بس وطبعا سمعتييين جدااااد عرفت ان فى سمعات مدوره عاديه ونوع اسمه بيضاوى وطبعا جينا لفقره الساحر وهى الاسعار الفتى سابقا وطبعا نتمنى من اهل الخبره الافاده لان الواحد مش بيحب يضحك عليه قدام الصنايعيه وشكرا:fun_36_3_13[1]: |
رد: اسأله لاهل الخبره بس فى مواضيع عده الصوت
مع ان طريقة عرض الموضوع غريبة شوية لكن اسمع آخر الأسعار
وده من عند محل فانتازيا فى جسر السويس بعد كوبرى التجنيد اولا كاسيت كينوود مجربة وصوته حلو لكن البايونيير أحسن سعر الكاسيت البايونيير DEH-2350 سى دى وفلاشة وخرجى اتنين جى ام صوته تحفة سعره 640 جنيه ، والتركيب مجانا وضمان كمان شوفت بقى ولا صنايعية ولا زفت مكان محترم واسعار جمله اما السماعات من 300 جنيه ونتا طالع البيضاوى عندك كينوود وبايونيير وجى بى ال زى منتا عاوز يعنى يوم ماتنزل يا حاج تعمل حسابك على 1000 جنيه واوعدك انك هتروح بإذن الله بعدة صوت زى الفل |
رد: اسأله لاهل الخبره بس فى مواضيع عده الصوت
اقتباس:
بصراحة رد من الاخر برنس والله ودة أحسن حاجة يعملها علشان أنا ليا تجربة مع العك جبت جي ام صيني وسماعتيني صيني بيضاوي كلة 280 والصوت مش اد كدة كملت العك وجبت أكواليزر جنسون صيني وسماعتين كمان للبيبان مدوين والصوت بردو مش أد كدة أخر مزهقت وديت كاسيت العربية القديم يتصلح هوة بايونير ياباني قديم شريط بس م الاخر هات حاجة مضمونة احسن شكرا مستر هشام على مشاركتك الجميلة |
رد: اسأله لاهل الخبره بس فى مواضيع عده الصوت
اقتباس:
اما بالنسبه للموضوع فللعلم من بحث 5 ايام اول سعر لكست بايونير فى رنج ال600 جنيه كان من حضرتك ( وده بالنسبالى كان خبر جميييييييييييييييييييييل جدا ) وطبعا الغلبان الى مش عارف الاسعار ويروح لمحل فى شباب اشباح زى لمنتشرين فى البلد بيشتغلوا الواحد اكبر اشتغاله وكمان اشتغاله مش مقنعه انت بتشترى الحاجه مضطر فسؤال اهل الخبره ده مطلوب وطبعا شكرا للرد السريع والوافى يا باشا وجزاك الله خير |
رد: اسأله لاهل الخبره بس فى مواضيع عده الصوت
يشرفنى ردودكم الجميلة
وبإذن الله هيعجبك الصوت جدا لو جبت البايونيير انا حتى كاتبلك الموديل والميزة انه التركيب عليهم وبالضمان سماعات الكينوود ممتازة وسعرها حلو :pod_of_gold: |
| الساعة الآن 06:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017