استفسار عن فك الاكصدام الامامى والكارتيرة
 

السلام عليكم ورحمة الله وبركاته
قررت أفك الاكصدام الامامى لانه به كسر ومحتاج رشة نظافة وقلت افكه انا من منطلق التعليم وعدم الحوجة للصنايعية وبالمرة هاغير طقم الكارتيرة الامامى لانه محتاج يتغير بشدة
فياريت لو فى تجربة عند اى شخص او اى مساعدة او ملاحظة من أصحاب الخبرة

رد: استفسار عن فك الاكصدام الامامى والكارتيرة
 

وانا مستنى لما تعرف تقولى وشراء:1336:

رد: استفسار عن فك الاكصدام الامامى والكارتيرة
 

اخى الكريم =ما عليك الا تكتب فى بحث مصر موتورز كتالوج لانوس وحمل كتالوج المكونات فيه كل مكونات السياره جزء جزء وكل مايخص اللانوس من كتالوجات ولك تحياتى

رد: استفسار عن فك الاكصدام الامامى والكارتيرة
 

من يومين قدرت والحمد لله انى افك الاكصدام الامامى للعربية علشان كان مكسور وحبيت انقلكم اللى حصل معايا
توكلت على الله وحضرت العدة وبدات
اولا لازم تفك الفوانيس وكل فانوس له مسمارين وصامولة وكلهم ظاهرين وواضحين لاى حد لما يفتح الكابوت
وبعد كده هاتلاقى 8 مسامير للاكصدام وهما كالتالى
مسمارين فى المكان اللى تحت مكان الفوانيس
مسمارين ظاهرين جدا اول ماتفتح الكابوت
مسمارين من الداخل اما شبكة الرادياتير ودول اللى رابطين الاكصدام فى الشاسيه الحديد بتاعه
مسمارين من الداخل من ناحية العجل واحد فى كل ناحية وعلشان تفكهم لازم تفك جزء من الكارتيرة ودول تقريبا أصعب مسمارين

أهم حاجة يكون معاك مفتاح 10 حرف L وكمان مفتاح 10 عادى وممكن سبراى W40 لانك ممكن تلاقى مسامير عليها صدا وصعبة فى الفكا زى ماحصل معايا
انا باحاول ارفق الصور لتوضيح الموضوع بس للاسف مش عارف

رد: استفسار عن فك الاكصدام الامامى والكارتيرة