مصر موتورز مجتمع السيارات - استشارة في اسبراتير سوزوكي سويفت

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - استشارة في اسبراتير سوزوكي سويفت (https://www.masrmotors.com/vb/showthread.php?t=111107)

استشارة في اسبراتير سوزوكي سويفت

السلام عليكم

السادة الخبراء الافاضل .. ارجوا منكم المشورة في الاتي

عندي عربية سوزوكي سويفت 95 مش بدور خالص :shwt:(فيها موبينة واسبراتير الكتروني)
1. المارش شغال
2. عملت فحص لدورة البنزين: نزعت خرطوم البنزين اللي داخل على الكاربيراتير ونزل منه بنزين لما حاولت ادور
3. الكهربائي فحص الكهرباء وجرب موبينة جديدة مدارتش، وجرب مشط الكتروني جديد مدارتش. جبت كهربائي اخر قال نفس الكلام .. في الاخر قالولي هات اسبراتير استيراد

السؤال هنا: هل لي ان اتأكد ان العيب من الاسبراتير فعلا ولا الكهربائية بيستسهلوا؟
وهل في اسبراتير جديد للموديل ده .. ولا مفيش غير استيراد مستعمل؟
ولو استيراد مستعمل انيه افضل مكان ممكن اشتريه منه؟ وهل بيجربوه قبل لما اشتريه ولا بجيبه وانا حظي ؟؟

وشكرا لكم جميعا :fun_36_3_16[1]:

رد: استشارة في اسبراتير سوزوكي سويفت

السلام عليكم
خلى حد يبصلك على سير الكاتينه ممكن يكون انقطع
والله المستعان

رد: استشارة في اسبراتير سوزوكي سويفت

اقتباس:

المشاركة الأصلية كتبت بواسطة eng/walaaeldeen (المشاركة 865865)

السلام عليكم
خلى حد يبصلك على سير الكاتينه ممكن يكون انقطع
والله المستعان

وعليكم السلام
شكرا ليك يا بشمهندس على الرد، بس لو سير الكاتينة كان مقطوع مش كان الماتور هيدور على الاقل بس العربية مش هتتحرك ؟

رد: استشارة في اسبراتير سوزوكي سويفت

السلام عليكم
سير الكاتينه لما بينقطع المارش بيدور بسرعه والموتور لا يعمل ولا يدورSLAM:140109~347:
والله المستعان

رد: استشارة في اسبراتير سوزوكي سويفت

المشكلة فعلا كانت في الموبينة والمشط الالكتروني .. لكن على حسب كلام الميكانيكي الموبينة الجديدة اللي انا كنت جايبها ما تمشيش مع اسبراتير السويفت ... وده خلاها حرقت المشط الجديد كمان (او الراجل بتاع التوفيقية باعهولي مضروب اساسا)

فلو المشكلة دي عند حد يعمل زي ما الميكانيكي عندي عمل .. يفك الموبينة و الاسبراتير ويروح بيهم على وكالة البلح .. هناك في محلات اللي بتبيع قطع غيار استيراد وعندهم اجهزة قياس بيركبوا عليها الموبينة والاسبراتير اللي انت جايبهم معاك وبيعرفوا المشكلة في انيه جزء بالظبط فيهم فهناك غيروا المشط وجربوا الدنيا قصاد الميكانيكي (انا ماكنتش معاه الصراحة)

بعد لما رجع الميكانيكي جرب الدنيا فالعربية دارت ... بس قالي انها كانت بتدور لمدة عشر دقايق وتفصل .. فراح مركب موبينة مستعملة كانت عنده والحمد لله كل شئ بقى تمام :)

بس طبعا اكيد الميكانيكي اداني قطع الغيار ابو قرش بقرشين :08da300846c84943ae1.. عشان انا مكنتش معاه لما اشترى الحاجة عشان انا كنت مشغول في شغلي .. بس الصراحة هو قام بالليلة كلها وانا روحت استلمت العربية على الجاهز :)