|
معايا 70 ألف و محتاج مساعدة رجالة مصر موتورز !!
السلام عليكم أخباركم اية مش عارف أقول اية والله عالمنتدى دة:fun_36_3_3[1]: الواحد كل ما يتزنق يجيلكوا :] .............. الموضوع انى معايا حوالى 70,000 الف ممكن يبقوا 73,000 فى الحدود دى و محتار من هنا لبعد بكرة بفكر فى 13 عربية فى نفس الوقت و لو كانت الانسر بومة سعرها زى زمان مكنتش فكرت و احترت كل دة بس بجد بيستهبلوا اوى فى سعرها بطريقة مبالغ فيها فعشان كدة فكرت فى أوبترا أو ياريس أوبترا عشان اعتمادية و عالية عن الارض و بتجرى حلو ( على حد قول الناسxD( و ياريس عشان البنزين الخرافى و التكيف العالمى و الاتنين أوتوماتيك و طبعا الاتنين سعرهم على قدى دة فى حالة الكاش :08A742~169::3mla: فكرت بقى أفكس لكل دة و أقسط مع كونتاكت او اى حاجة تانية عربية مستعملة فى حدود 100 ألف يعنى سيراتو , لانسر سوبر أكشن , شارك , تيوتا كرولا الشكل الجديد و ما أكثر العربيات الى بـ 100 الف ... بس بصراحة الشارك و السيراتو داخلين دماغى. ------------------ من الاخر انا عايز حد يجبلى من الاخر و يقولى لو كاش أعمل اية و لو قسط أسوى اية ... و يا سلام لو ينصحنى نصيحة أخوية و يقولى هات قسط أو كاش xD شكراً مقدماً لكل الـ قرأ الموضوع :):fun_36_3_3[1]: |
رد: معايا 70 ألف و محتاج مساعدة رجالة مصر موتورز !!
والله يا باشا عن نفسى انا افضل الكاش لان التقسيط بيكون مرهق ومحسوب على العربية لما تيجى تبيع وانا حاليا معايا لانوس وناوى ان شاء الله خلال السنة اللى جاية اغير لاوبترا ولما سالت عليها لقيت قطع غيارها كويسة من حيث الانتشار والسعر ده غير انها عالية عن الارض وواسعة من جوة وثابتة على الطريق والكلام ده على ذمة اصحابها
وربنا يوفقك وتلاقى عربية كويسة |
رد: معايا 70 ألف و محتاج مساعدة رجالة مصر موتورز !!
السلام عليكم ورحمة الله وبركاتة
نصيحة لوجة الله ابعد عن المستعمل نهائي عشان متكرهش نفسك ولو هتجيب مستعمل يبقي كسر زيرو ولسة في الضمان عشان لو لاقدر الله في حاجة تتلحق في الضمان وابعددددد عن تقسيط كونتاكت حاطين شروط صعبة وكمان فائدة كبيرة اوووووووي الاحسن ليك ودة لاني كنت في نفس حيرتك اني هجيب جديد ان شاء الله بالفلوس الي معايا و ممكن اقسط لو حاجة اغلي عجبتني بس اقسط جديد مش مستعمل بس انا ماجل قرار الشراء حاليا عشان الاسعار الخرافية الي زادت ربنا يسهل شوية كدة و الاسعار تنزل ولو عاوز تشتري في حدود ال 70 الف الي معاك جديد ممكن تزود شوية وتجيب اسبيرانزا 516 او بي واي دي وسيبك من حتة صيني دي عربيات بقالها 6 سنين وثابتة كفائة واعتمادية كبيرة والا مكانوش اشتغلو تاكسي ولو عاوز مستعمل يبقي بومة وش وربنا يوفقك وتلاقي الي انت عاوزة |
رد: معايا 70 ألف و محتاج مساعدة رجالة مصر موتورز !!
النترا2004 2005 2006 اوتوماتيك ملهاش حل وبجد عربية ممتاااااازة جد جدا جدا وانضف عربية عملتها الهيونداي
العيب الوحيد فيها انها مع الحمولة الكاملة بتبقا واطية http://img190.imageshack.us/img190/7197/309256.jpg http://img818.imageshack.us/img818/6772/323388.jpg http://img200.imageshack.us/img200/2...0000113000.jpg http://img263.imageshack.us/img263/8...a20041600x.jpg |
رد: معايا 70 ألف و محتاج مساعدة رجالة مصر موتورز !!
اقتباس:
بس هى عربية مافيش كلام عليها فعلا محدش بيبيعها اصلاً |
| الساعة الآن 05:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017