سؤال للخبراء جزاكم الله خيرا بخصوص كليو 2002
 

السلام عليكم ورحمة الله وبركاته
اخواني الكرام اعزكم الله

هل سيارة رينو كليو 2002 لا تحتوي علي ما يسمي " سير كتينة "
المكانيكي قال إنها مفيهاش سير كتينه يتغير عند 40 ألف أو 60 ألف كيلو ، فيها حاجة شبية كدا بالجنزير مش بيتغير كل فترة ولا حاجة بيتغير مثلا مع العمرة
وانا بشوف ناس كاتبه انها غيرت سيرة الكتينه عند فلان او علان
مع العلم ان الميكانيكي اللى قال لي كدا واحد من الناس اللى ممكن متلقيش منهم في مصر 10 أشخاص
عايز اقول لكم انه عمل عمرة لعربية تاكس فضلت العمرة اكتر من 13 سنه وكان تكسي مش عربية مركونة
فهل حد يقدر يفهمني
وجزاكم الله كل الخير

رد: سؤال للخبراء جزاكم الله خيرا بخصوص كليو 2002
 

مع كامل إحترامي للميكانيكي بس واضح إنه ميعرفشي حاجه عن السياره ديه ويفضل التعامل معه في أضيق الحدود لو لزم الأمر
الكليو فيها فعلاً سير كاتينه بيتغير كل 60 ألف كيلو مع بلية الشداد مع باقي السيور