أفيو 2013 مانيوال
 

انا ناوى ان شاء الله اشتري افيو مانيوال 2013 ......
و بعد اذنكم كنت عاوز اعرف ايه مشاكلها
و كمان لو فى اى عيب جوهري

رد: أفيو 2013 مانيوال
 

انا كمان انشاء الله نويت عليها ... ياريت فعلا لو حد عندو اي معلومة

رد: أفيو 2013 مانيوال
 

السلام عليكم

الردود يا جماعه من مالكي أفيونا ٢٠١٣ للأهمية هل السيارة جيده أم لا

رد: أفيو 2013 مانيوال
 

انا لسه مستلم امبارح افيو 2013 اوتوماتيك بس طبعا لسه الواحد مجربش العربيه عشان يحكم عليها
بس انطباعى الاول عنها انها مش وحشه زى ما الناس بتقول كده فى المنتدى
عفشتها معقوله يعنى مش ناشفه اوى ولا ناعمه اوى بس هى انعم و اطرى من ال i10 عشان كان معايا i10 قبلها
العربيه ناعمه - الفتيس الاوتوماتيك نقلاته حلوه مفيش فيه اى نتشات ولا حاجه
فراملها معقوله و ان كان ال i10 فراملها احسن ممكن عشان جسم السياره
العربيه عالية عشان المطبات
الطابلوه بتاعها شيك جدا و تقفيلها حلو خاماته متوسطه
ثبات العربيه مقدرش احكم عليه خصوصا انها لسه بتليين فمزودتش عن 90 كم بس انا حاسس انها كانت ثابته و انا ماشى 90 بس لسه الواحد هيجرب ان شاء الله بعد ال 1000 كيلو
ده ال اكتشفته فى يومين و لو فى جديد هقوله