سؤال فى العفشة
 

مقص/ جلب مقص / بيض مقص -- ميزان
ما هى اعراض تلف كل منهم
؟
هل تلف الجلب او تلف المقصات يؤثر على باقى المجموعه
؟
ما هو شكل الميزان
؟
هل له جلب ؟
ما هى اعراض تلف الميزان او تلف جلب الميزان
؟

رد: سؤال فى العفشة
 

المقص هو الجزء المسؤل عن ربط اجزاء العفشة بشاسية العربية
وعند حضرتك فى اتنين مقص امامى للجنب الواحد باجمالى عدد 4 مقصات امامى
بيتثبت المقص فى شاسية العربية (القنطرة )بجلب (جلب المقصات ) لكل مقص 2 جلبة باجمالى عدد 8 جلبة مقص
المقص مفهوش اى مشاكل غير انة يتشرخ او يتكسر
انما المهم فى موضوعنا هو جلب المقصات
جلب المقصات لو تالفة تلاقى العربية فى الطوالى لو مشيت على شارع فى تعريجات بالطول تلاقى العربية بتعوم منك وبتفقد السيطرة نسبيا عليها
اما بيض المقصات اللى بيركب فى المقص العلوى والمقص السفلى لكل جنب من اجناب السيارة هو محور ارتكاز للمقص مع دشمة العجل او سورة العجل ولو البيض تالف ممكن اوى تشوف العجلة قالبة لبرة من الناحية اللى فيها بيض تالف يعنى تلف البيض بيخلف الزوايا الامامية
اما الميزان فهو سيخ او بار حديد مستقيم هتلاقية تحت الريداتير وبعرض العربية بالكامل

انا يدى وجعتنى بصراحة
ما تقولنا العربية بتعمل معاك اية ونشوف المشكلة ممكن تكون من اية
دة حضرتك لسة مغير عفشة جديدة قريب على ما اتذكر

رد: سؤال فى العفشة
 

اصوات * اصوات فقط لا غير
بس الاصوات مش دائمه
وطبعا فى شوية وسوسة من الخوف من عفشة ال لادا
+ رعب من سقوط ال لادا على وشها فى الارض لانى شفتها قبل كده

انا مغير التيش والبارات والمساعدين
البيض الراكب بلغارى من غير مشاحم بقاله سنتين ونص تقريبا
العربيه لحد ال90 مفيش اى تعويم بعد ال90 بمسك الدركسيون بايدى الاتنين
لانى وقتها بحسها خفيفه
الصوت طقه من الامام يمين او شمال مش مرتبطين بعض ومش مستمرين
احيا فى العدل واحيانا وانا بلف
وصوت تزييق مع الفرامل فى 80% من الاوقات
التزييق من الامام والتيل له سنتان تلاته مش فاكر بس مفروض انه كويس من اخر مرة غسلت الفرامل
لادا مصري 2007م

رد: سؤال فى العفشة
 

غير طقم بيض (عدد 4) بنوع مايلى المانى
وغير طقم تيل اماماى ورجلش على الخلفى

رد: سؤال فى العفشة
 

انا فعلا ناوى اغير البيض وكلفت محل + واحد صاحبي يسال لى على البيض الالمانى والبلغارى
ومستنى لما اجيبهم
وفى واحد بس هنا عارض المايلى ب 240 لكن بالاضافة للسعر انا مش هشترى منه لانه بيزعل جدا لو حبيت اغير حاجه مش عاجبانى - مثلا لو بيضه حسيت انها خفيفه فى الطقم -
وطقم التيل مش فى بالى بس مجتشي عليه
ماشي - ان شاء الله